استشارة نفسية: اكتئاب

236

بقالي سنة بحس بأعراض الاكتئاب الـ أنا بحثت عنها ولاقيتها فيا، زي نسيان وفقد شغف ولا مبالاة وعدم استمتاع بأي حاجة، وقلة طاقة لعمل أي حاجة حتى لو بسيطة، ومش فارق معايا أي حد، وبقيت سلبية جدا رغم اني كنت بنشر الإيجابية، أي حاجة بتغير مودي وبفضل اعيط كتير وعندي لا مبالاة حتى من القرب من ربنا، ببقى عايزة انتحر علشان اتخلص من الصراعات والصداع الـ جوا دماغي ده بس فيه حاجة بتوقفني اي هي مش عارفة ممكن علشان لسه محققتش طموحاتي، وللعلم أنا ناجحة ف مجال الكتابة ومعروفة لحد كبير، وجربت اني اغير روتيني مكنتش بقدر خالص

تعليق 1
  1. من اسباب الاكتئاب هي التشوهات المعرفية اللي متمثلة في طريقة تفكيرك محتاجة انك تغيري من انماط تفكيرك و ده طبعا محتاج مساعدة من معالج نفسي يعلمك ازاي ترصدي الافكار السلبية ديه في جدول الافكار و بيتم مناقشتها و تبديلها , ممكن تدخلي انشطة سارة في يومك زي انشطة رياضية زي انك تروحي جيم او مكالمة احد الاصدقاء او قراءة كتاب او حتي انك تكتبي و حاولي تكتبي حاجات ايجابية و عمل جدول يومي بالانشطة و الواجبات و تخصيص وقت للتفريغ الانفعالي عن طريق كتابة انفعالاتك و مشاعرك السلبية .

اترك تعليق