الدمـاغ

ازاي تتعامل مع نفسك بشكل سوي

كلنا بنفكر ازاي نتعامل مع الناس في حياتنا اليومية و بنفكر ازاي نعجب و نحب ونجذب ناس حوالينا. بس بننسي اهم حاجة الا وهي نفسنا.

نفسنا حاجة مهمة .. لو عرفنا نتعامل معاها بشكل صح الحياة هتبقى اسهل كتير. مثال بسيط مدحت نفسه يجذب انتباه منال ليه و منال مطنشاه وهو في الوقت ده زعلان و متضايق جدا و مش قادر يركز في حياته وشغله .. وصحابه بيرددوا كلمة واحدة “يا مدحت انساها و شوف نفسك بقا”.

بس ازاي مدحت يشوف نفسه دي ويفهمها؟ النفس ليها مفاتيح وهي رغابتنا و الحاجات اللي بتسعدنا وبتحزننا. لو مدحت عرف يوزن الامور بين رغباته والحاجات اللي بتفرحه و بتحزنه حياته هتبقي اهدى.

اولا: محاولة السيطرة علي النفس و التفكير في كل فعل ونشوف يا تري الفعل دي هيسعدنا؟ هيفرق معانا في حاجة؟ هيطور مننا؟

ثانيا: اكتشاف المواهب او حاجة بنلاقي نفسنا فيها .. ساعات الواحد بيعمل افعال غلط لمجرد احساسه بالفراغ و انه مش لاقي نفسه.

ثالثا: نشوف دايرة معارفنا و نسأل نفسنا هل دول فعلا الناس اللي بنحس انهم بيساعدونا في حياتنا؟ بنتطور بيهم؟ ولا هم سبب عجز و خوف و عدم اقدام علي حاجات كتير و مغامرات كنا شايفين نفسنا فيها بس بسببهم خوفنا نعملها.

واخير .. مدحت و كلنا مش هنعرف نشوف مفاتيح نفسنا بسرعة بس نحاول عشان ده هيسهل علينا الحياة و يخلينا نختار اختيارات تريحنا على مدى بعيد.

عن الكاتب

Donia Megahid