عندك مشاكل في النوم؟ دي 5 نصايح عشان تعرف تنام كويس

الإجهاد المستمر في الشغل أو في المدرسة، أوأحيانا في الاتنين بخلينا مستنفزين باقى اليوم. بالرغم من أنك ممكن تفكر أن التعب طول اليوم أكيد هيخليك تنام نوم عميق بليل، لكن ده مش بالضرورة يكون صح. في الحقيقة، السبب الحقيقى أنك تكون تعبان طول اليوم هو أنك مش بتنام بشكل كويس أو عندك أرق.

في عوامل كتير ممكن تساهم أنك تنام نوم ضعيف. معظم العوامل دى في إيدك أنت. لو لقيت أن بالرغم من محاولاتك أنك تنام في وقت بدرى، لسه بتحس بالتعب كل يوم، في خطوات بسيطة ممكن تساعدك تنام أحسن وتحس بالراحة أكتر الصبح علشان تقدر تبدأ يومك. دول 5 خطوات هتساعدك تنام بشكل صحى أكتر:

1- خلى عندك طقوس للنوم

ممكن يكون من الصعب الاسترخاء تماما في يوم مجهد أو أنك تنام على طول. طريقة واحدة تقدر تجهز بيها جسمك وعقلك للنوم وهى أنك تخلى عندك طقوس للنوم اللى هتدى إشارات لجسمك وعقلك أن ده الوقت أنك تنام. ممكن تجرب حاجات زى أنك تاخد حمام دافى، أو تشرب شاى عشبى، أو تسمع موسيقى أو تسترخى أو تمارس التأمل.

2- اختار سريرك

وفقا لخبراء النوم في مقال في هافينغتون بوست أن حاجات زى أنك تكون بتتقلب في السرير بالليل كتير وزيادة التوتر والقلق الصبح، معناه أن ده وقت أنك تغير سريرك. المقال كمان أتكلم عن نوع السرير سواء لين جدا أو صلب جدا. واقترح أنك تجرب السرير لمدة 20 دقيقة قبل ما تشتريه.
وعلى الرغم من أن المثالى أنك تروح المتجر وتجرب كل سرير قبل ما تستقر على واحد، لكن معظمنا معندوش الوقت الكافى.

3- اتجنب استخدام الموبايل

الدراسات مستمرة أنها تبين أن استخدام الموبايل قبل النوم على طول ممكن أنه يعيق نومك. لو كنت بتميل أنك تبص في الموبايل دايما قبل النوم، حاول أنك تمنع ده بأنك تحطه بره الأوضة اللى بتنام فيها. لو أنت زى أغلبنا بتستخدم الموبايل كمنبة، حط الموبايل بعيد عنك شوية ودي هتكون فرصة كويسة هتساعدك أنك تقوم من السرير لما المنبة يرن.

4- مارس التمرينات بانتظام

التمرينات ليها فوايد كتيرة ملهاش نهاية. وعلى الرغم من أننا دايما بنربط اللياقة البدنية بفقدان الوزن، لكن هي ليها فوايد لصحتنا بشكل عام سواء النفسية أو الجسدية والنوم بشكل أفضل وتجنب الأرق النفسي. حاول أنك تتمرن كل يوم لمدة 30 دقيقة على الأقل. ده هيساعدك أنك تنام بشكل كويس وهيحسن صحتك بشكل عام وبالتالي هيساعد جسمك أنه يحافظ بانتظام على وظايف مهمة زى النوم.

5- التمسك بجدول زمنى

سواء حبيت ده او لأ، البشر مخلوقات روتينية، بمعنى أن الإنسان بيشتغل بشكل أفضل في وجود عادات وجداول زمنية محددة. وفقا لمؤسسة النوم الوطنية الأمريكية، لو أنت بتواجه مشكلة في النوم، ممكن يكون السبب هو عدم وجود روتين أو نظام. حاول أنك تحدد وقت معين كل ليله أنك تنام فيها.

اترك تعليق