فوبيا الأكل عند المراهقين: تفتكر البنات بس بتخاف من السمنة ؟

كل البنات بتخاف من زيادة الوزن بذات فى سن المراهقة و بتحلم دايما بالوزن المثالى.
بس فى بنات بتجلها حالة رعب و فى الغالب بتعانى من فوبيا الأكل.

و له شوية أسماء ذى القهم العصبي أو فقدان الشهية العصبي و هو واحد من أنواع اضطرابات الأكل اللى بينتج عنها انخفاض شديد فى وزن الجسم.

يعنى أيه فوبيا الأكل ؟

دى حالة خوف شديد بتخالى صاحبها يرفض الحفاظ على وزنه رغم أنه بيكون مثالى أو قريب أوى من الوزن المثالى.

لكن خوف البنت من زيادة الوزن بيخاليها تلجأ لتجويع نفسها و ممارسة الرياضة بشكل أوفر عن الطبيعى.

كمان ممكن تستخدم ادوية التخسيس و غيرها من الأدوية عشان تقلل وزنها دايما.

و رغم أن أغلب المرضى بيكونوا من البنات و بيبتدى معاهم فى سن المراهقة إلا أن 10 % من المصابين بيكونوا ولاد.

المشكلة ان فوبيا الأكل أو القهم العصبى بيكون ليه تأثيرات نفسية و عصبية و كمان بيولوجية.

و اللى ممكن الحالات الشديدة منها توصل للموت لا قدر الله.

أعرف منين أن المراهق بيعانى من فوبيا الأكل؟

  • بيعانى من خوف شديد من زيادة الوزن برغم أن وزنه بيكون أقل من الطبيعى بكتير.
  • التقيم الذاتى لشكل و جسم المراهق ليكون غير راضى عن نفسه .
  • فى العادة بيوصله أنه يخسر 85 % من وزنه و برده مش بيرضى عن وزنه.
  • لو الحالة بدأت قبل سن البلوغ فبتأخره أو حتى بتوقف مراحل النمو الطبيعى نتيجة نقص فى كل الفيتامينات و المعادن.
  • كمان بيعمل أضطراب فى الغدد الصماء و اللى بتخلى الدورة الشهرية تقطع عند البنات .

أيه أعراض فوبيا الأكل؟

أعراض جسدية:

  • فقدان الوزن الشديد و ضعف النمو أو توقفه مع مظهر عام هزيل.
  • حالة ضعف شديد جدا نتيجة نقص الزنك و البوتاسيوم و الحديد.
  • نمو شعر فاتح على الجسم.
  • الإحساس بالبرد على طول بسبب ضعف الدورة الدموية اللى بتوصلنا لتغير لون الأطراف.
  • بهتان البشرة مع قلة مناعة الجسم.
  • ضعف المفاصل والعظامو هشاشة العظام وتسوس الأسنان.
  • لو كانت حالات شديدة جدا بيصاب بتدهور الأعصاب صعوبة في تحريك القدمين
  • صداع ،الدوخة و حالات إغماء
  • صعوبة في التركيز وضعف الذاكرة

أعراض نفسية

  • حالة هوس بالمثالية و خوف دايم برغم المنظر الهزي
  • الوسواس القهري بسبب الأكل
  • دايما فاكر أن التجويع نوع من السيطرة على حياته
  • قله مش بيقدر يقبل فكرة أن قلة وزنه خطير على صحته.

أعراض عاطفية

  • الاكتئاب سريري مزمن و تقلبات فى حالته المزاجيه.
  • بيفضل يكون لوحده بينسحب من كل المناسبات الاجتماعية.
  • ممكن يوصل فى الحالات الشديدة أنه يأذى نفسه أو يتعاطي المخدرات أو حتى محاولة الانتحار.
  • بيوصل للسلوك العنيف لو حد حاول يجبره يأكل.

أزاى ممكن نعلاج فوبيا الأكل ؟

طبعا لخطورة فقدان الشهية العصبي فبيحتاج تدخل علاجى سريع عشان ما نوصلش للمراحل المتأخرة اللى ممكن تعرض صاحبها للموت.

كمان الحالات المتأخرة بتحتاج المريض يعقد شوية فى المستشفى لحد ما يستعيد وزنه.

طبعا ده بجانب جلسات العلاج النفسي و الدوائى لحد ما يقدر يستعيد تقديره لجسمه و شكله مرة تانية.

العلاج النفسى ممكن مع المراهقين بس مع الأطفال بيكون الجلسات حوار الأب و الأم من خوف البنات من السمنة .

كمان العلاج السلوكي المعرفي مهم وفعال عشان يساعد البنت على تغيير معتقداتها غير العقلانية و التكيف مع شكل ووزن الجسمها.

ثقافة الأكل الصحى و عاداته موضوع مهم لازم يتعرف عليه المريض عشان يقدر يحافظ على جسمه من غير هوس الميزان و السمنة.

اترك تعليق