عودة الحبيب الضال: أزاي ترجعي حبيبك بعد ما سابك بست حيل مختلفة

لما بنحب وبنتعلق بحد بيصعب علينا بعده، بنحسه أخر الدنيا،وأن عودة الحبيب الضال صعبة وكل حاجة أنتهت مع أنها لا أنتهت ولا حاجة، مش يمكن الحياة هتبدأ وتبدأ أحسن من الأول، أحسن عشان أنتي هتبقى أحسن، وتحسنك هيجبره يرجعلك وهو عاشقك أكثر من الأول ومتمسك بيكي

6 طرق لـ عودة الحبيب الضال

1- الثقة بالنفس

أقري عن الثقة بالنفس وأحضري محاضرات لتنميتها، أشتغلي وأعملي كل حاجة تحسسك بكيانك، أهتمي بنفسك، وأفهمي أنك تستاهلي كل خير، وأن المشاكل كانت لأنك لسه مكتشفتيش قوتك وثقتك، سيبك من أي كلام سلبي وأي نقد، أكتبي مميزاتك وأسألي الناس عنها وطوري من مهاراتك، أتعلمي لغة جديدة، ورجعي ثقتك في نفسك بكل الطرق.

2- أنتي محور حياتك

الاستقلال بنفسك، بتعرفي تفرحي نفسك، قادرة تصرفي وتلبي أحتياجاتك، هو مش محور حياتك ولا محور سعادتك ولا سعادتك وحياتك هتنتهي بعده، بالعكس كملي حياتك وركزي فيها وخليكي مستقلة ومكتفية بنفسك الراجل بينجذب للمستقلة خصوصاً بعد ما يبقى محور حياتك أول ما يحس أن المحور أتغير هيفكر فيكي تاني، قللي من ذكرياته، بلاش كل شوية تمسكي الموبايل وتفتشي في الصور والرسايل أمسحيهم، لو رجعلك هيبقى عندك ذكريات أحلى

3- جدولك مشغول

عندك صحابك بتخرجي معاهم، أنشطتك الأجتماعية، التطوعية، شغل بتخلصيه، أنتي مش رقم 2 في حياة حد، أنتي رقم واحد، أي حد يخليكي رقم 2 خليه رقم صفر، أتعاملي معاه على أنه عادي الفراق وعلى رأي سميرة سعيد وأديني سبته أهو ومحصلش حاجة بأكل وبضحك بشتغل وبعمل كل حاجة

4- مشاعر الناس مش لعبه

لو أنتي من النوع المزاجي كل وقت بحال، وقت تفكري أنك بتحبيه وعايزاة والباقي لأ، مفيش أستقرار مع الوقت أحساس عدم الأستقرار هيتنقل ليه مهما كان بيحبك، عشان كدا لو عايزة ترجعي غيري الصفة دي وفكري أنتي فعلاً عايزة ترجعي ولا لما هيرجع هتزهقي تاني

5- اعملي شنطة شخصيات جديدة 

غيري كل حاجة فيكي، لون شعرك، طريقة لبسك، كلامك، جددي نفسك، أخلقي جواكي شخصية جديدة بتحب نفسها، بتهتم بتفاصيلها، حتى تغيرها بان في طريقة كلامها وأسلوبها وتعاملها

6- التقل صنعة 

لما يكلمك بلاش تدلقي وأكنك ما صدقتي أنه قالك يلا نرجع، أتكلمي عادي وبهدوء، ويكأنك مش عايزة ترجعي وبعده مش فارق عنك، جننيه لحد ما يبين أنه فعلاً راجع وناوي يفضل معاكي وأن البعد زود محبته ليكي وقتها أرجعي بس أتعاملي على أنكو لسه في أول العلاقة وهو إلي بيحاول يجذبك من أول وجديد

بعد ما هتغيري وتطوري من نفسك وقدراتك ممكن تحسي أنك مش محتاجة لـ عودة الحبيب الضال، بالعكس أنتي مبسوطة بحياتك دلوقتي، لو حسيتي بكدا خليكي زي ما أنتي، لو لسه متمسكة بيه يبقى نفذي الطرق دي ولو مرجعش يبقى ميستاهلكيش

قولولنا طرق تانية تخلي الحبيب الضال يرجع؟

 

اترك تعليق