أزاي تعرف أنك وقعت فـ”الحب”.. علامات الحب الـ16

الحب هو الشعور الجميل المريح، الحب هو بقايا النعيم من الجنة اللي خرج منها آدم، الحب مشاعر ملخبطة، بتفتكرها أنها تعود رغم أنها حب وحب كبير، أسباب كتير لازم تأخد بالك منها عشان بتقولك أنك “لقد وقعت في الحب”، ولازم تحافظ على حبك دا مهما حصل.

1-الانشكاح :

أول ما تشوفه الشخص دا، تحسوا بانشكاح غير طبيعي متعرفوش هو جاي منين غير أن فجأة بتترسم على وشكم أبتسامة بلهاء. 

2-وبرغم البعد الباعد وحشتيني :

بيوحشك، الشوق أنك تشوفه، تكلمه تاني، يجمعكوا أي موقف حتى لو هتشوفه من بعيد، كل ما بتروح مكان بتفكر كل حاجة، كان قاعد هنا، قالك صباح الخير هنا، ضحك ليك وهو قاعد على الكرسي دا، “ولو توحشني وأنت بعيد بالأحساس بنتلاقى”.

أن كنت ناوي على البعاد، قوم دلوقتي

3-مفيش تعويض عنه :

لا أكل ولا صحاب ولا شخص تاني بيحاول يدخل حياتك، رغم كل حاجة موجود في كل حاجة.

4-إشارة القدر :

فيه شخص معين كل مرة هتتكلم معاه هتحس بشعور من جواك بيقولك هو دا اللي بدور عليه من زمان.

5-قولي حاجة! أي حاجة؟

حيرتك دليل على حبك، طول الوقت بتفكر بيحبني، لا مش بيحبني؟ طيب حاسس بيا ولالا، طيب هيتقبل حبي ولالا

6-مراية الحب عمية :

شايفة أحسن شخص في كوكب الأرض، مفيش حد زيه ولا أتخلق شبه، تميزه عن الكل، ولو الكل أجمعوا على عيب فيه هتقولهم دا العيب دا هو ميزته

7-مبحبش حد يحب اللي بحبهم :

وجرب نار الغيرة، أحساسك بالنار لو حد قرب منه أو حاول يقرب منه أو يلفت أنتباهه، ومتبقاش طايق نفسك لما يجيب سيرته وعاوز تسيبه وتمشي

8-هحب اللي تحبه وهكره اللي تكرهه :

بتحب الشطة هتلاقي نفسك أتحولت رامز جلال في أحلام الفتى الطائش وبتسف الشطة اللي أنت شخصياً بتكرهها بس سبحان الله حبتها فجأه عشان هو بيحبها، ولو بتكره حاجة بيحبها، هتتحول لأحمد حلمي في ظرف طارق، مبتحبش الشنب هتشيل الشنب، وهتطلع بتحب الشنب بردو فهتحاول تربيه

9-مفيش حاجة اسمها كرامة :

تنازلك عن بعض حقوقك، بتسامحه، بتغفر ليه أخطائه حتى لو حاسس دا جاي على كرامتك، هتلاقي نفسك شمشون الجبار بقوته قصاد كل الناس مبتعديش غلط حد وقصاده قمة الغفران والحنان، حنانك عليه رغم غلطاته، لأنه نابع من حبك أنك عاوز تدي وبس حتى لو من غير مقابل، أنت عاوز تجبله الدنيا دي كلها وتديهاله عشان تشوفه سعيد

10-بترمي كل القديم في كيس زبالة :

بتجمع كل ذكرياتك بعلاقاتك العابرة السابقة وصورهم وهداياهم وكل حاجة منهم وبتحرقها وترميها، لأنك مش عاوز غيره وبس يفضل في حياتك، بتمسح من ذاكرتك أي حاجة قبله

11-خايف أوعدك موفيش أقولك فيه تلاقي مفيش :

الخوف من وعودك، الخوف من الظروف، خايف على علاقتكم سوا، لما تلاقي الشعور دا لازم تقاومه بأنك تتكلم معاه وتقوله مخاوفك وتوصلوا لحل ليها، لأن مشاعر الخوف قاتله للحب

هتلاقي نفسك بتوعد كتير، نفسك توعده بكل حاجة، وهتلاقي نفسك سعيد مع كل مرة بتوفي بوعدك دا، حتى لو كان وعد بسيط زي أوعدني هتيجي في الميعاد.

اللي عندك ده فضول ولا فومو ولا خوف وقلق؟

12-تصرفاتك غريبه، أعقل كدا أتجنيت ولا أيه؟

بقيت ماشي تغني وفرحان ومش حاسس بالناس حاسس بنغم الأغنيه وصورته وبس، تفتكر كلامه فتضحك حتى لو في عزا، تلاقي نفسك بتكلمه وهو مش موجود، حاول تتجنب الحوادث دي في وجود بشر هيقولوا عليك مناخوليا

13-مجهز 10000 كلمة، بقول منهم كلمة :

لسانك بيتعقد، الكلام مش قادر يطلع، مش عارف توصف أحساسك، كل حالتك أنك تبصله وتبتسم وتضحك من غير كلام، والصمت في حرم الجمال جمال

14-لا بالتفصيل بقى ومن الأول؟

شغوف بيه هوياته، أفلامه، بيحب أيه بيكره أيه، بيشتغل مع مين، بيتعامل أزاي، قال أيه، راح فين، كل التفاصيل حتى الصغيرة العادية منها شغوف أنك تعرفها، كل ما يحكيلك حاجة تقوله من الأول بقى عيد تاني، وعلى رأي عمرو دياب “وأخبارك مع التفاصيل، أحب اسمعها بالتفصيل، أخد وأدي لنص الليل”

15-قربك وطن :

الأمان في وجوده ودي حالة هتوصلها بعد ما تعدي مراحل الخوف والعلاقة تنضج، هتحس بالأمان خايف عليه مش منه، مبقتش خايف من الغيره، لأنك واثق أنك اللي في قلبه، نايم وواثق أنك هتصحي تلاقي نفسك لسه في قلبه

16-توادر الخواطر :

في مرحلة ما من علاقتكوا هتلاقوا نفسكوا بتقولوا نفس الكلام في نفس اللحظة بتفكروا في نفس الحاجة، وكأن فيه أرسال من مخك لمخه من غير كلام، دا بيجي من أن كل شخض فيكوا حب الثاني وأداله كل حاجة تخليه هادي ومتواصل حتى مع أحساسه قبل كلامه

شاركونا وقولولنا حصل معاكم كام علامة من دول لحد دلوقتي؟

اترك تعليق