انفصام الشخصية الحقيقي مش زي الأفلام اللي بتشوفها

الفصام أو السكيزوفرينيا أو انفصام الشخصية هو عبارة عن اضطراب عقلي قوي وغير طبيعي والمصاب بيه بيفشل جامد في تمييز الواقع. أشهر أعراضه الشائعة هي الوهام والاضطراب والهلوسات والأصوات الوهمية، كمان المريض بالفصام بيبعد جامد عن الحياة الاجتماعية وبيبقى عنده مشكلة في إنه يعبر عن إحساسه وبيحث بحالة من انعدام الإرادة.

الفصام يعتبر مرض عقلي مش مرض نفسيبغذ الظر إن سببه ممكن يبقى نفسي. ولو عايز تعرف الفرق بينهم شوف المقال ده.

المريض بالفصام في أغلب الأحيان بيبقى عنده مشاكل نفسية تانية زي اضطراب القلق والاضطراب الاكتئابي وممكن كمان تلاقيه بيتعاطي مخدرات وعادة بتبدأ أعراض الفصام في مرحلة البلوغ أو المراهقة وبتستمر بعدها لفترة طويلة.

لازم تعرف إن الفصام مرض خطير ومنتشر.. عندنا في السينما المصرية حاولوا كتير إنهم يستخدموا المرض ده وغيره في الحبكات الدرامية والأفلام وبصراحة هم شوهوا صورة المرض على إنه لازم يبقى شخصيتين واحدة منهم بتصحى بالليل والجو .. ودي صورة سطحية جداً بصراحة.. الحقيقة إن الشخصيتين ممكن يبقوا موجودين في نفس الوقت.. أقولك كمـان.. ممكن يبقوا أكتر من شخصية أساساً..

إيه هي أسباب الفصام (أو السكيزوفرينيا).. شوف يا سيدي:

  • أهم عامل مُسبب لمرض الفصام هو الوراثة (أو الجينات) والناس اللي عندهم تاريخ مرضي في عيلتهم؛ نسبة إصابتهم أعلى من الناس التانية، خاصة لو المقريب من الدرجة الأولى.
  • العيشة والحياة والصدمات النفسية بتلعب دور جامد برضه ونسبة تأثيرها على الناس اللي عندهم استعداد وراثي بتبقى أكبر.. إنمـا ما بيسلمش منها الناس كلها عامة.
  • فترة الطفولة الصعبة سبب رئيسي للفصام، لأن الشخصية بتتكون في الوقت ده ولحد مرحلة البلوغ وما بعدها .. فالإنسان بيتأثر بالحاجات السلبية اللي بتحصله بطريقة أقوي بكتير، زي المعاملة الوحشة، أو موت حد من الأهل وهكذا..
  • تعاطي المُخدرات كمان سبب مُهم للفصـام.. مش المخدرات بس، الكحول كمـان.
  • كمان المُصابين بالفصام بيشربوا سجاير أكتر بكتير من الناس التانية.
  • إختلال تغذية الجنين في بطن أمه والفيروسات اللي بتصيب الرحم وغيرها من مشاكل الحمل ليها دور هي كمان إنهـا تخلي الطفل ده معرض إنه يصاب بالفصام لا قدر الله برضه. إن الأب يكون سنه كبير ساعة الحمل برضه.
  • ممكن كمان الاضطرابات العضوية في الأعصاب نفسها في الدماغ أو أي تغيرات في تركيبة الدماغ الكيميائية والعصبية تؤدي للفضام، أو عالأقل تهيئ الإنسان إنه يُصاب بالفصام مع ضغوط الحي

بالنسبة لأعراض الفصام:

  • التوهم: المريض بالفصام عنده اعتقادات أو تصورات غير منطقية وغير واقعية.. ممكن يتوهم إنه بيتعرض لنوع ما من الأذى أو بيحس بالخطر من غير ما يبقى فيه أي سبب منطقي.
  • الهلوسات: اللي عنده فصام بيبقى عنده مشكلة كبيرة في إدراك العالم اللي حواليه بطريقة صحيحة.. أي حواسة من حواسه ممكن تتضر بسبب الموضوع ده فيجيله هلوسات سمعية ويسمع أصوات مش حقيقية أو يجيله هلوسات بصرية فيسوف حاجات مش موجودة.
  • اضطراب في التفكير: في الأحاديث اللي بتعملها معاه والكلام اللي بيطلع منه هتلاقيه مش منتظم و مش مترابط وساعات بيبقى أساساً مش مفهوم.
  • نتيجة للحاجات اللي فوق دي بيبقى عنده مشكلة كبيرة إنه يتواصل ويتفاعل بشكل سليم مع المجتمع اللي حواليه.
اترك تعليق