القواعد ال 12 للوقاية من التحرش: علميها لولادك

بمجرد خروج الطفل من البيت لوحده بيبدأ قلقك يزيد على تعاملات الناس معاه. التحرش ممكن يحصل للأطفال فى أى سن وفى أى بيئة أجتماعية عشان كدا مهم أننا نوعى ولادنا صح.  مش بيقولوا الوقاية خير من العلاج يبقى مهم نعرفهم القواعد العامة للتعامل مع الغرباء.

إيه هو التحرش الجنسى للأطفال؟

هو أى فعل أو لفظ جنسي بيقوم بيه شخص أكبر من الطفل معاه.
زمان كنا بنفتكر التحرش أنه أى انتهاك جنسي للطفل بس الموضوع أكبر من كدا.
أى لفظ خارج يسمعه الطفل أو أى فعل جنسى يجير على أنه يشوفه كمان إجباره على مشاهدة صور أو أفلام إباحية.

القواعد ال 12 للوقاية من التحرش

  1. علمي الطفل أن أجزاء جسمه خاصة به ومينفعش حد يشوفها أو يلمسها.  اشرحي له مفهوم الخصوصية لنفسه أو للغير “يعنى مينفعش حد يشوف حد فى الحمام أو و هو بيغير هدومه”. عشان محدش يستغله و يجبره يشوف حاجة ميصحش يشوفها.
  2. شاركى الطفل كل تفاصيل حياته كلميه وأعرفى تفاصيل يومه ، اكسبي ثقة طفلك وساعديه يأمنك على أسراره.
  3. من بداية وعى الطفل عرفيه أجزاء جسمه مهما كان صغير بس له فهيم” أن عيب حد يشوف جسمه” يكبر و هو متعود على كدا.
  4. ممنوع اللمس علميه يقول يرفض أن حد يخالف قواعد اللمس زى:
    * لو حد لمسه بأسلوب مش مريح
    * ممنوع يعقد على رجل حد
    * لا يسمح لحد غريب أنه يحتضنه.
    * ممنوع حد يجى ناحية هدومه
    * ممنوع التصوير مينفعش حد غريب يصوره من غير هدومه و لا ينفع الطفل يشوف حد أو صور فى الهيئة دى.
  5. تعلم الرياضة بيزود ثقة الطفل بنفسه كمان حلو أنه يتعلم رياضة دفاعية زى الكاراتيه.
  6. ممنوع ينفرد أي شخص كبير بالطفل في مكان بعيدًا عن باقى الأطفال أى كان السبب.
  7. بلاش تسمحيله يبات برا البيت عند القارب و الأصحاب لأن المتحرش ممكن يكون حد موثوق فى جدا بس مستنى فرصة.
  8. علمي الطفل أنه ميتعملش مع حد كبير يكون مش بيرتاح له يعنى متجبريهوش يستحمل حد مش مرتاحله عشان عيب يكسفه لا أكسفه عادى .
  9. مهم أنه يتعود يرفض الشئ اللى مش عاجبه ، غالبًا ما يجد الأطفال صعوبة في قول “لا” .
  10. عشان كدا لازم يتعلم يقول لا كمان ممكن تعلميه أعذار شيك تساعده يخروج من المواقف اللى مش عاجباه.
  11. ثقى شوية فى رأى طفلك لو مش مرتاح لحد ساعات الأطفال بيكون عندهم نفس الإحساس الداخلى بتاع الستات اللى بيعرفك أن الشخص ده بيعاكس.
  12. بلاش تجبرى الطفل على أن يثق بحد معين هو مش قادر يرتاح له سبيه برحاته و أدعمى رأيه لأن أكيد فى سبب بس أنتى مش عارفه.

خليكى مصدر أمان دايم لطفلك فمهما كانت مشكلته يلجألك عشان تساعديه خليه يحس أنك هتسمعى وتصدقيه لأن مصلحته هى الأهم.

أزاى كمان ممكن نأمن ولادنا ؟ أبعتولنا أقترحاتكوا.

اترك تعليق