التعليم باللعب: ممكن يبقى حلّك الوحيد مع الطفل الشقي

أنت يا أبنى مبتفهمش غبى ؟ جملة بنسمعها من أمهات كتير بذات فى موسم المدارس. الطفل مش غبي بس أحنا مش عارفين نوصله المعلومة أيه رأيك تجربى التعليم باللعب ؟ ما هى الدراسة مش سهلة حتى لو كان ابنك فى أولى أبتدائي. الخناق و الزعيق مش هيجيب نتيجة بالعكس هيخلى أبنك دماغه تتقفل و مش هيفهم أى حاجة كمان هيتعقد من المذاكرة وهتتكون صورة ذهنيه عنده ان المذاكرة يعنى بداية النكد. و بلاش تضربى الطفل على المذاكرة لأن كدا تبقى خلصت أصلا لأنه مهما كان ذكى هيكره المذاكرة و المدرسة و أى حاجة بتجى من السكة دى. طبعا غير المشاكل اللى بتيجى من ورا الضرب ذى قلة الثقة بالنفس و النسيان و عدم التركيز و الخوف. أحسن طريقة للمذاكرة هى التعليم بالعب و بالذات فى مرحلة الأبتدائى.

يعنى أيه التعليم باللعب ؟!

ولادنا من أولى ابتدائي للجامعة بيفضلوا يذكروا عشان كدا لازم نساعدهم يحبوا التعليم و طبعا أكتر حاجة بيحبها الطفل الصغير هى اللعب.
لأنه أهم هدف فى حياته بينام عشان يصحى يلعب و يأكل عشان يبقى قوى و يقدر يلعب أكتر?.

عشان كدا ليه منستعملش الألعاب التعليمية فى المذاكرة من أول الطريق مثلا عندنا بازل الحروف و الكلمات سواء كان عربى أو أنجليزى أو فرنساوي حسب تعليمه .
و غيرها من اللعب التعليميه غير بقى الألعاب التعليمية على التابلت و الكمبيوتر بتنمى عقلهم و تساعدهم .

الموضوع محتاج شوية حاجات منها :

  • أختيار الموضوع أو الدرس أو مجموعة الأفكار.
  • تحضير اللعب و أدوات تعليمية اللى هنستخدمها كل أم حسب اهتمامات ابنها .
    تخصيص الوقت المحدد للمذاكرة.
  • يا ريت لو تشاركى ولادك مع بعض فى اللعب عشان المنافسة بتعلمهم الصبر” يستنى دوره ” كمان يشجعوا بعض.
  • ممكن كمان نعمل أغنية على الحرف او الموضوع اللى منتعلمه سوا.

 أيه هى فوايد التعليم باللعب ؟ 

  1. حب وقت المذاكرة .
  2. لانه هيكون وقت ممتع و مليان مفاجأت كل مرة حاجة جديدة و أنتى و شاطرتك .
  3. هيتعلم كمان ان اللعب له قواعد و قوانين لازم نلتزم بها.
  4. يخرج الطاقة ممكن نتعلم و نعد و نحسب و أحنا بنلعب و نط و نسقف تلحركة مهما جدا.
  5. كل ده يشجع الطفل يفتح مخه و يكتشف و يتعلم كل يوم.
  6. بتزود ثقته بنفسه و يساعده يكون شخصيته.
  7. بيتعلم معنى المكسب و الخسارة و كمان أنه يقبل الخسارة عادى بس يفكر أحسن
  8. بيناسب أغلب الأطفال حتى لو كان عندهم إضطرابات نفسية و مشاكل سمات التوحد و فرط الحركة و غيرها

أستمتعى بوقتك مع ولادك حتى و انتوا بتذكروا سوا
لان مهما تعبوكى فكل لحظة معهم متعة كمان الأفضل أننا نعرف قدرات ولادنا و نتعامل معها حتى لو مش عباقرة لأن تنمية قدرتهم دورنا الأساسى.
أبعتيلى أفكار حلوة للمذكرة مع ولادك .

اترك تعليق