الاكتئاب الحاد : المزاج مش ولا بد أوي

ايه هيه  أعراض الاكتئاب الحاد أو الشديد؟ ده سؤال بيدور علي إجابته كتير من الناس اللي خايفين يبقي عندهم فعلا اكتئاب حاد، ودا طبعا علي أعتبار إن الاكتئاب  الحاد واحد من الأمراض النفسية اللي بيعاني منها عدد كبير من الناس ي ظل الظروف الحالية، ومش بيفرق الاكتئاب بين غني وفقير دا مرض مش عنصري خالص، وبيعتبر الاكتئاب الحاد  من الأمراض النفسية الشائعة اللي بتحيّر الأطباء بسبب اختلاف تشخصيها وعلاجها من شخص لأخر.

مريض الاكتئاب الحاد بيكون أكثر ميلا  للعزلة عن العالم كله، ومش بيحب الاختلاط حيت مع اقرب الناس ليه ولو تواصل بيبقي في أضيق الحدود.

بس فيه شوية أعراض لازم ننتبه ليها كويس لأنها أعراض الاكتئاب الحاد واللي علي الرغم أنها ممكن تكون مختلة من شخص للتاني بس فيها شوية عوامل وسمات مشتركة زي:

  1. اضطرابات النوم

بتعتبر اضطرابات النوم من أهم أعراض اللي بتدل على الاكتئاب الحاد ، وبتختلف الأعراض دي  بين اختلال النظام الطبيعي لنوم الإنسان زي مثلا الناس اللي بتنام الصبح وتسهر طول الليل، أو  الناس اللي عندها أرق بشكل عام، وكل الأعراض دي لو استمرت بدون حل لمدة أكتر من شهر،  بتكون علامه علي إن الشخص ده داخل علي اكتئاب ومن النوع الشديد أو الحاد.

  1. الميل للعزلة

الشخص اللي عنده اكتئاب حاد بيميل اكتر للعزلة وأنه يبعد عن الناس والعالم، ومش بيحب يختلط بغيره من الناس أو حتي قرايبه أو أصحابه الأنتيم ولو حصل أي تفاعل أو أختلاط بيبقي في أضيق الحدود  وحتى لو فرضت عليه انه يشارك في مناسبات اجتماعية أو حفلات أو المناسبات الاجتماعية الخاصة باصحابه أو العيله بيميل لأنه ياخد جمب أو ركن يقعد فيه مع نفسه من غير ما يحاول يسلم أو يختلط بحد من الناس اللي في الحفلة، دا غير إنه بيبقي قليل في الكلام ومش بيحب يفتح حوارات مع الناس الا لو مضطر لكده أو حد فتح معاه كلام وغالبا بيفقل معاه بسرعة.

  1. الاضطرابات المزاجية

بتعتبر الاضطرابات المزاجية  من أهم العلامات اللي بتدل علي أن الشخص ده عنده اكتئاب حاد، ده لأن المريض اللي بيعاني من أضطرابات مزاجية أو التقلبات المزاجية اللي بتبقي يأما أنه حاسس بغضب شديد أو حاسس أنه مسالم وطيب أوي والأتنين فيهم شئ من المبالغه، والعصبيه والغضب مش هما بس اللي بيعبروا علي ن الشخص اللي قدامك عنده اكتئاب حاد، لا بس الهزار بزيادة والضحك اللي بزيادة برضه علامة للأكتئاب الحاد.

  1. عدم انتظام الدورة الشهرية

و العرض خاص بالستات، وهو واحد من أعراض الاكتئاب الحاد، علي الرغم من أنه ممكن يتلغبط أو يتشابه مع غيره من الأمراض اللي واحد من أعراضها عند انتظام الدورة الشهرية، لكن الأبحاث بتقول أن الست لو حصل عندها عدم انتظام في دورتها الشهرية لمدة اكتر من 6 شهور من غير ما تكون لقت العلاج الطبي المناسب لحالتها أو أخدت علاج ومفيش فايده، هنا ممكن تلجـأ انها تروح لدكتور نفسي يمكن يكون عنده اكتئاب حاد.

  1. الوساوس القهرية

وعلى الرغم من كون الوساوس القهرية مرض نفسي أساسا وليه تفاصيله لوحده، بس وجوده بدرجة خفيفة ممكن يكون مؤشر لأن الشخص ده عنده اكتئاب حاد، عشان كده نخلي بالنا في تعامل الشخص المكتئب مع الناس اللي محيطه بيه لو عنده جزء ولو بسيط من الوسواس بس مش طبيعي لازم يروح لدكتور نفسير بسرعه عشان الأمر ما يتطورش عشان يمكن يكون عنده اكتئاب حاد.

النقاط الخمس اللي قلناها هي من أعراض الاكتئاب الحاد ، وفيه احتمال أنها تيجي للشخص لوكشة وحده بمعني كلها تبقي موجوده في شخص واحد أو أنها تيجي واحده وحده  يعني يكون عنده عرض واحد منهم وبرضه هيبقي عنده اكتئاب حاد.

اترك تعليق