البوليما أو اضطرابات الأكل : البنات و جنان الميزان

أول ما بنتك توصل فترة المراهقة تبدأ تشوف نفسها بنت بجد و يبقى شكلها أهم حاجة فى حياتها.
و طبعا شكل جسمها ووزنها بيكونوا على رأس أولويات حياتهاو بيبدأ الخوف من السمنة يزيد و تزيد معاه مشاكل اضطرابات الأكل.

و عليهم تغير الهرمونات فى الفترة دى اللى بيلعب بدماغ الأطفال و يضخم الأمور فيسبب مشاكل حقيقية صحية ونفسية.

اضطراب البوليميا واحد من أهم اضطرابات الأكل مهم نعرفه عشان نبعده عن بناتنا.

أيه هو اضطراب البوليميا؟

واحد من أكتر اضطرابات الأكل اللى بتعانى منه البنات من   12 : 25 سنة .
غالبا بيصيب البنات صاحبة الوزن الطبيعى أو فوق الطبيعى بحاجة بسيطة.

و البنات دى بقى بيكون عندها هوس تفضل رشيقة ذى عارضات الأزياء و الجمال و الموضة أو مجانين رياضة و بطولات و بيخافوا من 100جرام الزيادة على الميزان.

يعتبر مرض عارضات الأزياء و المشاهير و أكتر حد انتشر أنها بتعانى منه كانت الأميرة ديانا .

أعرف منين أن بنتى بتعانى من اضطرابات الأكل؟

البوليميا بالذات سببها الخوف المبالغ فيه من زيادة الوزن عادتا بيتبعه شعور هائل بالذنب بعد ما نأكل بشراهة .

فتلاقى المريضة بتأكل كميات كبيرة أوى و بعد شهور الذنب تبدأ تحاول تتخلص من الأكل يا بأدوية ملينة أو بالقئ .

الوقاية خيرا من العلاج ؟!

أفكار سهلة و بسيطة لو زرعناها فى بناتنا ممكن نحميهم من مرض البوليميا: 

  • دعمى ثقة بنتك فى نفسها و مظهرها مش غرور بس لازم البنت تحس بجمالها و تتقبل شكلها الخارجى.
  • عرفى بنتك أهمية الأكل الصحى لجسمها و شعرها و أن الفايدة موجودة فى الأكل الصحى.
  • شجعى بنتك على تقليل كميات السكر و الملح فى الأكل من الصغر.
  • بلاش دايما تشتكى من جسمك باستمرار أمام المراهقين ده غير التأكيد على حب التخلص من الوزن الزائد و اللى فى الغالب بيرسي على شكوى بس .
  • عودى ولادك على حب الرياضة كروتين حياة حتى لو كان بالمشى أو نط الحبل.
  • عرفى بنتك من الصغر أن الوزن مهم عشان صحتها و ان موديلات الإعلانات مش مقياس للجمال بالعكس فى منهم مقياس للضعف و سوء التغدية.
  • أبعدى الأكل عن منظومة العقاب أو المكافأة فى البيت عشان الفكرة متركز

ذى أغلب الاضرابات السلوكية هنلاقى عندنا 3 وسائل :

  1. العلاج الدوائى .
  2. العلاج السلوكى .
  3. أو الأتنين مع بعض.

غالبا المعالج النفسي بيساعد المراهقة تتعرف على المشكلةو يحاول يعلمها طرق للتخلص من الأفكار السلبية.
كمان بيعزز المشاركة الاجتماعية للمراهقات و يشجعهم على أتباع نظام غذائي صحي.

الصحة أهم من الشكل كمان لازم نعرف حدود الوزن الطبيعى و و لو زدنا عنه حاجة بسيطة عادى مش مأساة.

بنتك بتوزن نفسها كل قد أيه؟!

اترك تعليق