استشارة رقم 9 : انا معنديش أصحاب تقريبا ومعنديش اى حد اكلمه

انا معنديش أصحاب تقريبا ومعنديش اى حد اكلمه بدون خجل فى الكلام اللى فى دماغى اليومين دول انا عمرى ٢٧سنة اتولدت مع اب وام مش بيحبوا بعض وتقريبا منفصلين رغم عيشتهم مع بعض وده قصر فى تربيتى وحاسس بزعل منهم طلعت خجول ومش بعرف اتصرف مع الناس والحياة كبرت ولقيت نفسى فى مراحل عمرية معشتهاش فى المراهقة أو حتى الطفولة ده خلانى اعيش طول حياتى مقتنع أن الجواز ده حاجة مش كويسة مش عايز اتجوز خوفا من انى اجيب عيال يطلعوا مش سعداء مثلى وعايش طول عمرى مبسوط بالفكرة ديه
المشكلة بقة أن سنى طالبة معاه جواز دلوقتى (فى صرااااع بين الفكرتين دلوقتى) بالذات أن شكلها كده هتجوز صالونات ديه انا مش واثق فى نفسى انى اربى طفلى كويس أثق فى واحدة معرفهاش
وغير كده زعلان من نفسى اساسا انى فكرت فى الجواز والأطفال
مشكلة ٢ فى موقف رفض حصلى فى المراهقة من بنت يعنى الكلام ده خلص من ٩سنين عمال يجى فى دماغى كتير دلوقتى وافتكر بعض المواقف منه

تعليق
  1. Mohamed Shaban يقول

    هقول لحضرتك حاجه انسى ده كله نهائى والهى نفسك باى حاجه مجرد قدوم اى فكر من دول لعقلك ….. التوبه لا يلزمها الا استغفار استغفار استغفار …. اما بالنسبه للجواز فتوكلك على الله ودعائك فقط له هيهون عليك ويفرجها بالخير ويكرمك وان شاء الله يغفرلك وانسى الكلام اللى بتقوله نهائى ….. الجا لربنا بس وبالذات لو كام ركعه قيام الله او فى صلاه الفجر قبلها وبعدها والنور هادئ كده وشوف كرم ربك

  2. mariamkhaled يقول

    عندك شويه معتقدات غلط حول الجواز الجواز مش خلفة وتربية بس فيه مسئوليات تانية وأولها مسئولية الاختيار.
    محتاج تشترك في رياضة وتبدا تمرينات، عشان الثقة تزيد.
    ظروفك أنت تقدر تغيرها بنفسك بفكرك.
    لو لسه مفيش حاجه اتغيرت بعد فتره من الرياضة أطلب دعم نفسي من متخصص.

اترك تعليق