ألزهايمر والخرافات اللي اتقالت حواليه

لو عرفت إن فيه حد من عيلتك جاله ألزهايمر هتلاقي أول حاجتين جم في دماغك الشيخوخة وفقدان الذاكرة، دا عشان الحاجتين دول هما اللي مرتبطين بالمرض ده، وللأسف دا عشان منعرفش معلومات كتيره عن المرض ده، دا غير الخرافات اللي اتقالت عن المرض ده واللي هنوضحها هنا.

بيجي للناس الكبار في السن

ودي أول خرافة بتتقال عن ألزهايمر أنه بيجي لكبار السن وبس ، وده عشان أغلب المصابين بألزهايمر سنهم أكبر 65 بس دا لا يمنعه أنه يجي للي صغر منهم سنا، لأن فيه حوالي 5% من الناس المصابين بألزهايمر بتيجي لهم أعراضه في سن الـ 30 أو 40 أو 50 سنه ودا بيقولوا عليه زهايمر جاي بدري او ألزهايمر المبكر .

وغالبًا الناس اللي بيجيلهم المرض ده بدري بياخدوا وقت طويل لحد ما يتم تشخصيهم بدقه ، لأن في الغالب الدكاترة بيميلوا أن السبب راجع لفقدا الذاكرة بسبب الضغط العصبي مش أكتر، من غير ما يفكروا أنه أعراض ألزهايمر بس بدري شويتين، دا غير أنه ممكن يجي للشباب بسبب العامل الوراثي

  • أعراضه جزء طبيعي من الشيخوخة

الطبيعي أن فقدان الذاكرة بيكون جزء طبيعي الشيخوخة، لكن أعراض ألزهايمر مش كده، يعني هو بيكون نسيان بيتعارض مع الحياة اليومية أو حاله من التوهان، يعمي العادي أننا ممكن ننسي كل شوية حطينا التليفون فين أو مفاتيح العربية، لكن اللي مش طبيعي اننا ننسي بنغسل سنانا أزاي أو بنسوق العربية إزاي أو الطريق اللي بتمشي فيه وأنت رايح الشغل.

ألزهايمر مش مجرد النسيان البسيط اللي مرتبط بالشيخوخة، ألزهايمر بيسبب تدهور في وظايف المخ و بتخليه يسرق من المريض قدرته على التفكير والأكل وكلام وحاجات تانية كتير يعني هو مش مجرد جزء من مرحلة الشيخوخة.

  • الزهايمر مش بيموت

ودي الخرافة الثالثة لان  اللي حاصل أن  ألزهايمر هو السبب السادس للوفاة في أمريكيا علي سبيل المثال لأن أغلب الناس بيعيشوا من 8 لـ10 سنوات بس بعد تشخيص إصابتهم ،ده لأن اللي عنده ألزهايمر ممكن ينسي ياكل أو يشرب أو ياخد الدواء وبالتالي بياثر بشكل سلبي علي نظامه الغذائي، دا غير أن ممكن يجيلهم مشاكل في التنفس ومنها يحصله ألتهاب رئوي وممكن يطور الأمر للوفاة، كمان ممكن السلوكيات اللي بيعملها مريض ألزهايمر تعرضه للخطر زي أنه يحصله شرود وتوهان وهو في موقف ما ينفعش يحصله كده ساعاتها.

  • الأدوية ممكن تمنع تدهور المرض

د. هيثر سنيدر، من جمعية ألزهايمر، قالت إن برغم إن فيه أدوية حالية موجودة دلوقتي ممكم تساعد على مقاومة أعراض ألزهايمر، وكمان بتساعد في المشاكل السلوكية ومشاكل الذاكرة واللغة والتفكير لكن التأثير بيكون مؤقت،وممكن ما يكونش لها تأثير لكن مفيش طريقة لحد دلوقتي عشان توقف المرض أو تبطئ سرعة تدهوره،غير أن فيه كتير من الأنظمة الغذائية أو المكملات بتدعي أنه بتعالجه وده كل ده في الحمادة .

  • الألومنيوم ولقاح الأنفلونزا وحشو الأسنان الفضي والأسبارتام وبجيبوا زهايمر

الخرافة الخامسة جاية أنه فيه أقويل بتقول إن الطبخ في حلة ألومنيوم أو الشرب البيبسي في ازازة الكان الألومنيوم بيسبب ألزهايمر، دا غير أنهم قالوا برضه أن الأسبارتام وحشوات الأسنان الفضية بيسبب ألزهايمر وطبعا مفيش أي دليل علي صحة الكلام ده.

حط عليهم بقي خرافات حوالين اللقاحات بتاعات الأنفلونزا بتسبب ألزهايمر لكن اللي بيحصل أن اللقحات دي نفسها هي اللي بتقلل العُرضة للإصابة وبتحسّن الصحة بشكل عام، و الخبراء لحد دلوقتي مش عارفين إيه سبب المرض، وقالوا أنه ممكن يجي بسبب خلطه من العوامل المرتبطة بالجينات والبيئة وأسلوب الحياة.

 بعض الأبحاث بترجّح إنه ممكن يكون مرتبط بظروف صحية زي أمراض القلب وضغط الدم العالي ومرض السكري، ولسه النتايج مش واضحة ، ونرجع بقي لدكتور هيثر اللي قالت إن النظام الغذائي الصحي والتمارين وإن الإنسان يكون اجتماعي وإنه يعمل حاجات تخلي مخه يشتغل بيقللوا عرضة الإنسان للإصابة بالمرض، بس بما إن الأبحاث لسه في مراحلها الأولانية، فمفيش وصفة معينة تتقال.

اترك تعليق