عمرك قدرت الحاجات البسيطة اللى الطفل بيعملها لوحده و عمره سنة ذى أنه يبص فى عنيك و يضحكلك أو أنه يشوف كرة و بعدين ينطقها عارفة أنها حاجات عادية بس مش للطفل اللى بيعانى من التوحد.

و هو مشكلة كبيرة أوى بيعانى منها البيت كله مش الطفل لوحده فى الأول لو مصدفتش الحالة دى أحمد ربنا و أشكر فضله على حاجات صغيرة ولدنا بيعملوها من نفسهم .

و لو كنتى أم و بتشكى أن أبنك بيعانى من التوحد أو الذاتية بتبقى محتاجة تبتدى بسرعة تتأكدى بسرعة .

طيب أيه هو التوحد أو الذاتية ؟

هو نوع من الاضطراب اسمه ” طيف التوحد ” و يكون الطفل المتوحد ضعيف فى التواصل الأجتماعى كمان بيكون عنده مشكلة فى التعبير عن مشاعره سواء بالكلام أو بلغة الجسد.

ساعات بيكرر حاجات سلوكيه معينة عشان كده لو شكاتى فيه نصيحة خدى بالك قوى من تصرفاته اليومية.

أيه هى أعراض التوحد ؟

ممكن تلاحظى أعراض التوحد عند الطفل قبل سن 3 سنوات أو يبان عليه بعد ما يوصل سنة و نص برغم أن تصرفاته كانت طبيعية قبل كدا.

و بعدين يبتدى نموه يبطئ عن أقرانه و ده بيبان فى المهارات المكتسبة.

الحركة المتكررة : يحب يلف أو يحرك أيده بشكل متكرر دايما من الأخر حاجة يعملها طول اليوم “لزمة ” يكررها 

يبعد عينه عن عنيكى : عمره ما يبصلك فى عينك أبدا دايما يهرب بعنيه فى أى أتجاه تانى .

تأخر الكلام : ممكن يكون أبنك بيتكلم بس عدد الكلمات اللى بيقولها قليل جدا عن الأطفال فى سنه .

-أو مبدأش يتكلم إلا متأخر.
-أنه أتكلم بس بطل يتعلم كلمات جديدة
-أو وقف خالص وبطل يقول الكلمات اللى عارفها .

ضد اللمس :  عنده مشكلة مع اللمس طبعا مش فى كل الحالات فى طفل مبيحبش يتحضن و لا حد يسلم عليه بذات الغرباء لأنه بيتعامل مع ماما بالعافيه .

حساس جدا : بيحزن أوى على حاجات متستهلش .
علامات تساعدك تكتشفيه فى سن سنه :

لأنه مبيعرفش يتعامل مع الناس مش بيحب يقرب من حد ميعرفوش و تعرفيه من اللى جاى:

علامات عمر سنه : 

– لوماما نادته مش هينتبه لصوتها .
– عمره ما يحط عينه فى عين حد ولا حتى ماما و بابا .
– لو شورتى على حاجة مش هيقلدك و يعمل ذيك .
– لا يضحك لحد لما يلعبه مش بيفهم أشارات الناس .

علامات عند عمر سنتين :

فى الوقت ده العلامات بتبقى أوضح و ممكن تظهر عليه الأعراض اللى قلناها فى السنتين مش سنه و غيرها ذى :

– ميقدرش يقول جملة من كلمتين .
– مش بيستخدم الكليمات اللى أتعلمها فى حياته.
– “بص الطيارة” أو” بص القطة” مش هينتبهلك أصلا .

الخلاصة أنه ممكن يكون عنده عدد قليل قوى من الأعراض دى بس عشان نكون واضحين كل ما أكتشفتيه بدرى يكون أحسن.

يفضل أنك تتوجهى على طول لأقرب عيادة أو مركز صحة نفسية هتلاقى هناك متخصصين هيسألوا مجموعة أسئلة و دى بتبقى أختبارات عشان يتأكدوا .
و طبعا الحلات بتتفاوات ممكن يكون عنده مثلا 6 أعراض بس فيتصنف سمات توحد مش طفل متوحد كل .

و كل حالة لها برنامج متابعة غير التانية لأن درجته بتتفاوت من طفل للتانى و لأنه ملوش علاج بس طرق عشان نقلل الأعراض و نساعده يتطور ذى الولاد فى سنه .

و حسب عمره هيبتدى يتابع مع دكتور اللى هيحدد الأدوية و جلسات التخاطب أو تنمية المهارات و السلوك و غيرها من الجلسات حسب أحتياجات كل طفل .

لأن مش ممكن حد يحس بتعبك عشان تساعديه ، فحاولى تحافظى على طاقتك الإيجابية لأن الموضوع بيطول بس صدقينى مع الوقت هتحسى بتحسن .