أزاي تتحكم في أحلامك وتستمتع بالنوم؟

ممكن يكون الأحلام تأثير قوي على حياتك، حتى وأنت في حالة صاحي، الأحلام بتعكس آمالنا ومخاوفنا حول المستقبل وبتساعدنا على إننا نتسرجع  الماضي، وسواء كنت عايز تعرف أزاي  تتحكم بنشاط في أحلامك وتكون على واعي بيها وأنت نايم أو عايز تتعلم أزاي تشوف أحلام سعيدة، فيه شوية حاجات ممكن تعملها طول اليوم قبل ما تنام، عشان تحلم باللي نفسك تحلم بيه وهنا فيه 4 أجزاء عشان توصل للهدف.

لو عايز تعمل معلومات أكثر عن النوم والاضطرابات بتاعته بص علي المقال ده

  1. شوف الأحلام السعيدة .

  2. استعد لأحلامك وانتي صاحي طول اليوم.

  3. استعد لأحدامك قبل ما تنام.

  4. اتحكم في احلامك.

  • تشوف الاحلام السعيدة

  • نام بدري

فيه دراسة اتعملت عن  النوم  سنه  2011 قالت أن طلاب الجامعة اللي بيسهروا لوقت متأخر بالليل بتجيلهم حلام وحشة كوابيس يعني أكتر من الطلبة اللي بتنام بدري، حاول تدخل تنام بدري وراقب تأثير ده علي أحلامك.

    أحد التفسيرات المحتملة للنتيجة دي للدراسة اللي قلناها أن هرمون التوتر “الكورتيزول” بيُطلق الصبح بدري وهو وقت بيكون فيه اللي بيحبوا  السهر في مرحلة نوم حركة العين السريعة، أو مرحلة الأحلام.

  • أتحكم في أكلك

فيه أسباب كتير للكوابيس، ده لأن الأكل في وقت متأخر بالليل أو شرب الخمرة أو المنبهات أو السجاير ممكت تسبب الكوابيس بصفة مستمرة، تخلص من العادات السئية دي وماتكلش قبل النوم بساعتين أو 3 ساعات، وده هيديك فرصه تهضم الأكل بشكل أفضل وهتحس براحه.

لو أنت واخد العملية جد و عايز تحلم أحلام سعيدة، ابعد عن المنبهات زي الكافيين ومتشربش بعد الظهر، هو ساعتها هيديك طاقة وحيويه بس هيخليك تنام بصعوبة، ولو بتشرب خمره ممكن تفكر أن كاس واحد ممكن يخليك تنام بس الحقيقة أنه هيخليك تنام قلقان، ولو بقي نومك فيه قلق وعايز تحلم أحلام سعيدة فا دا هيكون صعب في الحالة دي.

  • أتحكم في التوتر

ساعات كتير بتكون الأحلام السلبية أو الكوابيس ليها علاقة بالتوتر أو القلق اللي بنمر بيه في حياتنا أو طول اليوم، وهنا حاول متفكرش في الحاجات اللي بتقلقك وأنت داخل تنام أو وأنت علي السرير وحاول تصفي ذهنك وتفكر في حاجات إيجابية، كل إما تركز علي انك تخلي حياتك اليومية أقل توتر هتبقي أحلامك حلوه وهادية.

  • مارس رياضة أو أي تمارين.

 ممارسة التمارين والرياضة بانتظام هتساعد في أنها تخفف مستويات القلق وتديك فرصه انك تحلم أحلام كويسة وتنام أسرع، لكن ما تعملش تمارين قبل ما تنام مباشرة ، لأن ده هيخليك صاحي شوية ومش هتنام بسرعة.

  • اعمل روتين للنوم بشكل يومي

يعني إيه يعني يبقي فيه طقوس للنوم من أول فكرة انك تدخل تنام بدري يعني مثلا تشرب حاجه دافية ، تقرا قصه أو رواية كل ده هيقلل احتمال انك تحلم أحلام مخيفة يعني كوابيس، شوف إيه الروتين المناسب ليك واعمله اللي هيخليك تنام بسرعة و واظب عليه، و وحاول تبعد عن التفكير في الأفكار المزعجة أو السلبية قبل ما تدخل تنام .

أبعد عن الفرجه عن أفلام الرعب قبل النوم أو البرامج اللي بتخليك متوتر زي نشرة الأخبار عشان هتزود فرصتك بأنك تشوف كوابيس وأنت نايم، ومن الأفضل تطفي أي مؤثرات بصرية تليفون أو تليفزيون أو ايباد أو أي حاجه بتشوفها قبل ما تنام بنص ساعة، عشان تقدر تصفي ذهنك وتنام بشكل هادي.

  • حط ورد في أوضتك

فيه دراسة عملوها وعرضوا الستات لريحة الورد لمدة30ليله وهما نايمين بالليل، والنتيجه لقوا إن الستات دول ناموا بشكل هادي وحلموا بأحلام أحسن بكتير من أحلامهم قبل التجربة، ومن المعتاد أن ريحه الورد بتحرك المشاعر الإيجابية، وده بيخلي الأحلام اكتر سعادة،ممكن تستخدم الزيوت بريحه الورد أو غسول جسم أو شموع، لكن أتأكد من أنك تطفي الشموع قبل ما تنام عشان الحرايق وكده.

  • تستعد  لأحلامك وانت صاحي طول اليوم.

  • نام كويس وخد كفايتك

النوم ليه مراحل والأحلام بتحصل في مرحلة حركة العين السريعة، وطبعا لو مأخدتش كفايتك من النوم أو قلقت في النوم وصحيت أكثر من مرة، هنا المرحلة اللي بتحصل فيها الأحلام هتبقي متقطعه ، حاول تنام بين 7:9 ساعات في اليوم وشكل منتظم ، وتدخل تنام في معاد محدد بشكل يومي، لحد ما جسمك يتعود علي الوضع النظام الجيد.

  • خلي بالك من أحلامك

فيه كتير بشوفوا أن معرفتهم لأزاي بنلاحظ ونفتكر أحلامنا هي الخطوة الأولى عشان نوصل للأحلام الواعية، قبل ما تروح تنام فكر نفسك بأنك مخطط أنك لما تصحي هتفتكر أحلامك، ده عشان تدرب وعيك بأنه ينتبه وأنت بتحلم بمعني تسجل الأحلام وما تصحي تتفرج عليها مرة تانية.

 لما تصحي من النوم أسأل نفسك أنا حلمت بأية انهارده ، وما تقومش من السرير علي طول أقعد شوية وحاول تفتكر ، ده لأن الناس ساعات بتنسي احلامها أول ما تبدأ تفكر في أي حاجه تانية أول ما يصحوا من النوم، عود نفسك على أنك تسأل نفسك كده كل يوم الصبح، أكتب أحلامك في نوته أول ما تصحي من النوم، وحط ورقه وقلم جمب السرير عشان تكتب اللي حلمت بيه أول ما تصحي قبل ما تنسي، ده هيساعدك عشان تلاحظ أنماط النوم بمرور الوقت.

  • أعمل أختبارات علي الواقع طول اليوم وقبل النوم.

و اختبارات الواقع دي اختبارات ممكن تعمله  في الحلم وفي اليقظة، وهتساعدك على أنك تمييز بين العالم الحقيقي وعالم الأحلام، ولما تعمل الأختبارات دي وأنت نايم هيساعدك على انك تحلم وأنت صاحي.

يعني مثلا حاول انك تطير وده مش هيحصل غير في الحلم، بص علي صورتك في المرايه لو مش واضح ومشوشه يبقي أنت بتحلم، حاول بص علي الساعة في الوقت ده واعرف التوقيت لو كنت بتحلم، لو جيت تولع النور فهي مش هتولع عان مفيش نور في الحلم، بص لأيدك هل هي طبيعيه شايفها كويس وصوابعك كاملين عددهم ، جرب تستخدام جهاز إلكتروني زي الكمبيوتر أو المحمول هتلاقيها مش بتشتغل في الحلم وغيرها من الحاجات اللي مش بتحصل غير في الأحلام او ممكن ما تحصلش في الأحلام.

  • دولار علي علامات الأحلام

بمجرد ما تتعود علي أنك تسجل أحلامك ابدأ دور عن علامات على أنك بتحلم فعلًا، ممكن تكون الأحلام دي صورة متكررة، زي جزيرة شفتها قبل كده في الحقيقة أو حدث متكرر زي سنانك بتقع أو حاسس بدوخة أو مش قادر تتحرك، دور علي أنماط تخليك تعرف انك بتحلم ، لما تعرف الإشارات دي هيساعدك على انك تدرك انك بتحلم وتعرف حقيقة أنك تحلم، وبمجرد ما تعرف العلامات علي طول وأنت نايم هتقول لنفسك ما تصدقش أنت بتحلم.

  • العب الفيديو جيم

علماء النفس بيعتقدوا أن ألعاب الفيديو بتخلي الإنسان يبقي متعود علي انه يتعايش مع واقع مغاير ويشوف نفسه من خارج جسده، ودي مهارات بتنعكس في عالم الأحلام، وفي الغالب الناس اللي بتعلم فيديو جيم دول بيقدروا يشوفوا أحلام و اكنهم صاحيين وبيتحكموا فيها بشكل أفضل.

بس هنا خلي بالك ما تلعبش فيديو جيم فيه عنف قبل ما تدخل تنام، عشان تتفادي الكوابيس، ممكن تعمل كده قبل النوم بساعة.

  • كل أكل فيه بالميلاتونين كتير

 الميلاتونين هو هرمون بيكون موجود في النباتات والحيوانات والميكروبات، وهو هرمون مضاد للأكسدة قوي ولقوا انه بيعزز نوم حركة العين السريعة وبيخلي الأحلام واضحة وفيها حياة ، كمان بيساعد علي النوم أسرع، وبيكون موجود في الكريز،الشوفان،اللوز، بذور عباد الشمس، بذور الكتان، الفجل، الأرز، الطماطم، الموز، الخردل الأبيض، الخردل الأسود.

  • أسأل نفسك طول اليوم هل أنت بتحلم وأنت نايم ولا لأ

 في الشغل في المدرسة في البيت أسال نفسك السؤال ده باستمرار “هل بحلم بالليل؟ لو عملت كده بانتظام، فأن هتسأل نفسك نفس السؤال وأنت بتحلم ، ولو وصلت لمرحلة ادارك هنا هتقدر تتحكم في أحلامك وتختار أنت عايز تشوف أية، ده لأن بتكرار سؤال نفسك بالشكل ده هيزود من مستوى يقظتك، وهيخليك قريب أكثر من أنك فكرة تبقي واعي في الحلم.

  • أستعد لأحلامك الواعية قبل ما تنام

  • تأمل قبل ما تنام

عشان تقدر توصل وتشوف الأحلام الواعية ويبقي على درجة كاملة من الوعي الذاتي ومش  مشتت بأفكار اللي بتفكر فيها وأنت صاحي، قبل ما تمام اقعد في السرير شوية وتأمل، وصفي ذهنك، وركز علي فكرة أنك هتنام وهتشوف أحلام، التأمل هيساعدك علي أنك تصفي دماغك من الأفكار والأحداث السلبية اللي حصلت لك طول النهار وتنام بشكل هادي.

  • أتصور أحلامك الواعية

قبل ما تمام قوللا أنت عايز تحلم بأية، وارسم صورة مليانه الحياة، وكمان حط فيها كل التفاصيل الحسية والسمعية والبصرية اللي عايز تشوفها في الحلم، وحط نفسك في المشهد علي أن يكون المشهد متحرك، خلي بالك من أحساسك بالتنفس وأنت بتتخيل مشهد الأحلام حتي لو مكنتش بتحلم أساسا، أستمر في التصور والتخيل لحد ما تنام وتغرق في النوم.

سيب علامات لأحلامك جنب السرير

 جنب السرير حط صورة أو  رمز أو حتى ورقة بيضه قبل ما تغرق في النوم، خد الشئ اللي أنت عايز تحلم بيه من الحاجات اللي حطتها جمب السرير دي وخليه قريب منك، يعني مثلا لو عايز تحلم بحد معين خلي صورته قريبه منه وأنت نايم، إتباع  الأسلوب ده ممكن أن يشجعك علي أنك تشوف أحلامك اللي ليها علاقة بالحاجة اللي جمبك أو اللي أن عايز تشوفها في الحلم، ده لأنك بالطريقة دي أنت زي اللي بيزرع بذور نبته الحلم قبل ما تنام.

  • استعد عشان تتحكم في أحلامك قبل ما تنام

وأنت قاعد في السرير و قبل ما تنام، كلم نفسك وقول أنا انهارده عايز احلم بكذا وكررها اكتر من مره،  وركز علي أنك هتقدر تحقق ده ، ده هيساعدك على انك تدخل في الحالة الذهنية اللي هتحتاج ليها عشان تعرف أنك بتحلم.

  •  نام في الضلمه

لو عايز تتحكم في أحلامك نام في الضلمة تماما أو أقصى درجة ممكن تتحملها من الضلمة، النوم في الضلمة هيحافظ على مستويات هرمون الميلاتونين في جسمك مرتفعة وبيحفز درجة أفضل من الأحلام ومن أنك تفتكرها، ومن الأفضل أنك ما يبقاش فيه فرق بين الضلمة اللي حاسس بيها وأنت مفتح او وأنت مغمض عنيك، أبعد عن أي ضوء خافت، أو الشبابيك اللي بيدخل منها ضوء أو أي حاجه ممكن تخلي الأوضه منوره.

  • جرب أسلوب الأحلام الواعية اللي بتيجي في دماغك

ابتكر ستيفن لابيرج من جامعة ستانفورد، ومؤسس معهد لوسيدتي، أسلوب بيعرف باسم الأحلام الواعية اللي بتثيرها الذاكرة و وهو من أكثر الأساليب فعالية في استثارة الأحلام الواضحة، بس هنا بقي هتعمل ايه تعالي وشوف الطريقة

لما تدخل تنام قول لنفسك انك هتفتكر اللي هتحلم بيه، ركز علي أنك تبقي مدرك أمتي تكون بتحلم وأمتي لا وحاول تفكر الحلم كويس لما تصحي، تخيل اللي عايز تحلم بيه أو تعمله في الحلم، كرر الكلام اللي قلناه ده قبل ما تنام فعلا، استمر في الأسلوب ده لحد ما تبقي قادر على أنك تشوف أحلام واعية.

  • تخلص من الكوابيس

رغم إن الخطوة دي ممكن تكون صعبه في خطوات التحكم في الأحلام بس ممكن تحاول تتطور تصور لنهاية مختلفة للكوابيس دي ، يعني مثلا لو بتحلم بحد بيخوفك علي طول حاول تتصور نهاية مختلفة، ممكن تتخيلك أنك بتطرده من البيت، من الأخر أتغلب علي الحاجة اللي بتخوفك في الكابوس ده بأي طريقة.

  • أتحكم في احلامك
  • ابدأ اتحكم في أحلامك بطرق بسيطة

بمجرد ما تبقي مدرك أنك بتحلم حاول أن تبقي هادئ ولا ما تبقاش متحمس لأنك بتحلم لأنك ممكن تصحي من الطريقة دي حافظ على هدوئك وادخل في عالم الأحلام وابدأ التحكم في الأمور الصغيرة قبل أن تتطور وتتعقد في الحلم، ممكن تبدأ بحرص في تغيير المشهد أو تتحرك في فضاء الحلم، وكمان حاول تلمس الحاجات اللي بتظهر وتحتفي في الحلم.

حاول تحقق أعلي مستوى من التحكم في أحلامك

لما تدخل في مرحلة الأحلام الواعية ويبقي عندك قدر معقول من التحكم في حلمك، ابدأ في في انك تزود قدرتك علي التحكم في الحلم، يعني مثلا ممكن تحلم أنك بطير أو تتخيل بعد الحاجات اللي هتساعدك أنك تطير وأنت بتحلم، أو  تغير المشهد تمامًا أو تحاول ترجع لمكان الطفولة، وبمجرد ما تتعود أكثر فأكثر على الأحلام الواعية، هتكون قادرًا على رؤية الأحلام اللي أنت عايزها .

لما تصحي من النوم حاول تفتكر النقطة اللي اكتشفت عندها أنك كنت بتحلم فعلا، أكتب النقطة دي، كمان أكتب الحاجات اللي عملتها في الحلم اللي معرفتش تعملها، وأسأل نفسك ليه معرفتش تعملها.

  • فكر نفسك من وقت للتاني أنك بتحلم

 بمجرد أنك تدخل في الحلم وتبقي مدرك أنك بتحلم، لازم تفكر نفسك أنك بتحلم من وقت للتاني، لو معملتش كده هتنسي أساسا أنك بتحلم ومش هتعرف تتحكم في أي حاجه، لو قدرت تعمل كده أنك تفكر نفسك هتبقي قادر تغير حلمك.

  • خلي جسمك يطير

 من بين الأشياء اللي ممكن تجربتها في الأحلام الواعية هو أنك تخلي جسمك يطير، ممكن متكونش قادر أنك تحلم بكده في البداية بس ممكن تحسن مهارتك لحد ما توصل للمرحلة دي، قول لنفسك أن هطير دلوقتي في الحلم طبعا وأنك مستعد لأنك تطير، أبدا بالتنطيط فوق وتحت قبل ما تطير، بمجرد ما تحس بالارتياح وأنت بتعمل ده هتكون قادر على انك تطير.

ولما تطير ما تنتقدش نفسك أو تشكك في الاحتمالات، لو هندخل في مجال الشك مش هتطير أساسا، لو ليقيت نفسك بتقع ومش بطير حاول تتنطط تاني وتطير مرة تانية.

  • فكر في حاجه او شي تحلم بيه

يعني مثلا لو عايز تحلم أنك بتاكل كيكه تخيل الأول أنك في المطبخ أو مطعم أو مخبز لحد ما  يظهر الكيك، لو كنت بس بتفكر في الكيك مش هتاكله في الحلم لازم توفر البئية المناسبه عشان تقدر تنفذ الحلم.

  • غيِر المشهد

ممكن تغيير المشهد في حلمك، لو حاولت بشكل كاف، بمجرد أن تدرك أنك بت

أزاي تتحكم في أحلامك وتستمتع بالنوم؟

أزاي تتحكم في أحلامك وتستمتع بالنوم؟

حلم، ممكن تحاول تتخيل فتح الباب اللي بيوديك لمكان الحلم، أو ممكن ببطء تحاول تضيف أجزاء من المشهد إلى السيناريو لحد ما توصل للمشهد اللي أنت عايزه، لو حاولت مثلا أنك تفتكر بيت الطفولة، تخيل مثلا الشجرة المفضلة اللي في جنينة البيت، بعد كده الشبابيك، وبالتدريج لحد ما ترسم المشهد كله في خيالك، ممكن لو حطيت صورة ليك وأنت صغير جمب السرير ده هيساعدك علي أنك تبقي مستعد للمغامرة.

  • سافر عبر الزمن

 بعض الأشخاص ممكن يتمكنوا في أنهم يسافروا عبر الزمن في أحلامهم، يعني ممكن تتخيل نفسك تدخل إلى آلة الزمن الخاصة أو تفتح باب لعالم جديد، لو محصلش حاجه جرب تاني وقول لنفسك هركب آلة الزمن،  وركز على انك تخلي ده يحصل من غير ما تضغط على نفسك كتير، لو فكرت في ده قبل النوم هيساعدك كير في أنه يتحقق في الحلم.

اترك تعليق