سايكويكي

فوبيا الطيران : حصيلة الأفلام اللي بنشوفهـا كل يوم

فوبيا الطيران

الفوبيا أنواع وفوبيا الطيران هي احد أنواع الفوبيا المنتشرة وبيرجع سببها لحوادث الطيران اللي بتحصل وبيتم نشر صور منها كتير علي مواقع التواصل الاجتماعي وفي الأخبار والنشرات التلفزيونية، كمان أفلام الرعب اللي بتصور تحطم الطائرات أو إن إرهابي خطف الطيارة بيزود من المخاوف، ومعظم اللي يعانوا من فوبيا الطيران عارفين إن الاحتمال الأكبر إنهم يصابوا أو يموتوا في حادث عربية أكثر من الموت في حادث انفجار أو تحطم الطيارة، لكن ده ما بيطمنهمـش زيادة ولا حاجة.

السبب هنا  إن الإقناع المنطقي مش يساعد في التغلب على الخوف، الشخص العادي بيكون عنده قناعه بأن السواق هو اللي بيسيطر على العربية وعنده القدرة انه يتفادي حصول حادثة وكمان اللي راكبين معاه في العربية عندهم ثقة في السائق وفي مهارات القيادة اللي عنده ، في المقابل،الإحساس بفوبيا الطيران بيكون بسبب أنه لو حصل خطأ فني او تقني في الطيارة هنا الطيار بذات نفسه احتمالات انه يسطر علي الوضع منخفضة دا طبعا تفكير اللي عندهم فوبيا .

وهنا من الأفضل إننا نعمل خطة للطوارئ اللي من خلالها ممكن نسيطر علي حاله القلق والتوتر اللي ممكن تحصل في ظل التواجد جوا الطيارة:

 أدبيات الطب النفسي ناقشت علاج فوبيا الطيران لكنها مركزتش علي سبب القلق

 في 4 أنواع من الناس اللي بيعانوا من فوبيا الطيران:

  • الناس اللي خايفين يحصل عمل إرهابي وهما علي الطيارة وفي الجو .
  • الناس اللي خايفين يتعرضوا لتجربه مرعبة أثناء التواجد في الجو زي الرعب اللي بيحصل بسبب المطبات الهوائية او العواصف.
  • الناس اللي بيخافوا أساسًا من الأماكن الضيقة والمقفولة رهاب الأماكن المغلقة Claustrophobia.
  • الناس اللي بيخافوا من حدوث عطل في المحرك  وبالتالي الطيارة تقع وتتحطم .

فيه نوعين من المخاطر في الحياة اليومية ممكن بتغلب على بعضها من خلال الشخص نفسه والبعض الأخر من المستحيل التغلب عليه.

واحدة من الطرق الفعالة عشان تتعامل مع فوبيا الطيران هي تطبيق طريقة الخيال.

الشخص اللي بيخاف من الطيران لازم يتعامل مع مخاوفه على إنها فيلم روائي طويل هو الكاتب بتاعه وبالتالي هو اللي هيتخيل نهاية علي ان تكون النهاية إيجابية للفيلم بحيث أن بطل الفيلم، اللي هو الشخص نفسه، يتغلب على المشكلة، عن طريق تنفيذ طرق بشرية، أو طرق فوق بشرية خيالية .

وممكن الاستعانة بتمارين الاسترخاء عشان نتغلب علي حاله القلق والخوف نفسها .

لو الإحساس بالخوف عالي قوي والطيران لابد منه سواء في حياتك الشخصية أو العملية ممكن الدكتور يكتبلك مُهدئ عشان تعرف تتعامل وتكمل حياتك لكن ده ما يمنعـش إن العلاج النفسي أهم عشان الفوبيا نفسها تتعالج.

وفيه طرق تانية ممكن نلجأ ليها ممكن تخفف من أعراض الفوبيا

1- في حال الإحساس بجفاف في الفم أو ريق ناشف أو بتوتر في المعدة مغص عادي بيكون سببه التوتر زي ما بيقولي بطني كركبت هنا التنفس العميق بطريقه شهيق من الأنف وزفير من الفم .

2- ممكن نستخدم الكتب كونع من الإلهاء وقت ركوب الطيارة أو خلال فترة السفر .

3- أكل  وجبة غنية بالعناصر الغذائية المختلفة أو الأطعمة اللي بتهدي الأعصاب وبتساعد علي الاسترخاء والنوم او شرب حاجه بتهدي الأعصاب ودي ما اكترها .

4- بلاش شرب المنبهات زي الكافين اللي موجود في القهوة والنسكافيه والمشروبات الغازية عشان بتزود التوتر

5- الكلام مع الطيار ممكن يقلل من الخوف نسبيا اللي بيشعر بيه المريض لما الطيارة تطير .

6-فيه كمان إمكانية حضور دورات تدريبيه عن فوبيا الطيران .

7- بعض الأدوية المهدئة ممكن تكون حل مؤقت عشان تمر تجربه الطيران بسلام .

8- التفكير فيما بعد الطيران أو الهدف من الرحلة نفسها واللي ممكن عشان يتحمل الخوف ويتغلب عليه .

9- اختيار الكرسي اللي بعيد عن شباك الطيارة ممكن يكون حل كويس ويخفف من التوتر عشان فكره النظر من شباك الطيارة وتلاقي السحاب بتكون مرعبه.

10- لازم نضع في الاعتبار انه ممكن يحصل مشاكل بسيطة ممكن تكون مرعبه للي بيخاف من الطيران أو عاديه للمعتادين علي الطيران زي المطبات الهوائية بهدف الاستعداد والتهيئة.

11- واختيار شركه طيران معينه وبتوفر رحله مريحة بيكون أمر مناسب للتقليل من التوتر برده.

عن الكاتب

حنان جمـال