العيال

الوحم : أول رسالة من طفلك ليكي

الوحم :عشان ما يطلعش في قفاه وحمه

مفيش أم ممرتش بالفترة دي فترة الوحم اللي بتكون الطلعة الأولانية لرحلة الحمل الشاقة واللي بتختلف تجربتها من ست للتانية وكمان شدة الوحم بتختلف من حمل لأخر علي حسب بقي اتوحمت علي إيه، كانت بتكره تاكل أو تشرب أو تشم ايه في أول 3 شهور في الحمل كل ده هنقول السبب العلمي والنفسي ليه.

أولا ممكن نقول تعريف الحمل بعض التعريفات العلمية بتقول أنه عبارة عن حالة مرضية بتتعرض ليها الست في فترة معينه، هي فترة تكون الجنين واللي بيعتمد في تغذيته علي جسم الأم اللي المفروض تعتمد في اكلها علي المواد الطبيعية وتبعد عن المعلبات وغيرها من الأكلات المصنعه، بس سيبك من ده كله لان الغالبية عارفاه كويس بس الحاجة اللي ممكن تفسيرها ليه جزء علمي ونفسي هو الوحم.

النظام الغذاء للست الحامل هو المصدر الرئيسي والمباشر بعيداً عن الأدوية والمكملات الغذائية اللي بيوصفها دكاترة النسا، هو اللي بيمد  الجسم بكل بالعناصر المفيدة اللي محتاجها في المرحلة دي زي البروتينات والفيتامينات والكربوهيدرات وغيرها، كمان النظام الغذائي للست الحامل  بيكون العامل المباشر المسؤول عن الوحم .

وهنا الوحم ممكن نوصفه بأنه عرض صحي بيحصل في حالة طلب الجسم لعنصر مش  موجود أو ناقص في الجسم، وممكن العنصر ده أو الفيتامين ده موجود في نوع معين من الأكل والغريب، كمان انه ممكن يكون في حاجات تانية أساسا مش معموله للأكل زي التراب الأصفر والأحمر وغيرها من الحاجات الغربية اللي تتوحم عليها الستات.

ده لأن نقص العنصر أو عدة عناصر من الجسم تفسيرها الطبي أنه الجسم بيرسل برسالة عصبية  للدماغ لأنه المسئول عن توزيع الأوامر علي الجسم  والتفكير وتحديد إيه اللي ناقص من الجسم لكن الاختلاف هنا في طبيعه العنصر الناقص في الجسم  وإيه اللي ممكن تاكله الحامل وإيه اللي مش هينفع تاكله.

بتاكل التراب

وهنا لمنا نلاقي الحامل بتطلب حاجات غريبه مش هينفع تاكلها نسأل هو الوحم ده شعور داخلي ولا توجيه ربناني؟ وطبعا ساعات بتطلب اكلات غريبه او مش متوفره في الوقت الحالي مش الموسم يعني وفيها بعض الستات بتتحوم علي الحاجات الحمضية وده مؤشر أن لنقصٍ في مستوى فيتامين ج في الجسم، كمان فيه ستتات بتوحم علي الصين وبيكون مؤشر أن جسمها محتاج لمعادن زي الكالسيوم، والحديد، والنحاس، والمغنيسيوم.

والوحم مش بيرتبط بوقت أو شخص أو منطقة معينة ده لأنه حالة مرضية عرضية تحصل للحامل في أي وقت من  الحمل رغم إن طبيعا أو زي ما الدكاترة بتوع النسا بيقولوا أنه بيحصل في أول تلات شهور من الحمل، لكن فيه بعض الستات بيكمل معاها لأخر الحمل.

وساعات فيه ناس أساسا مش بيجلها وحم وده بيتعمد علي النظام الغذائي اللي بتتحبه الست الحامل ومن الأفضل يكون سليم من غير عك ومتنوع كمان كل ده طبيا ممكن يقلل من حاله الوحم أو تيجي قليله شوية مش بنفس القوة والدربكة اللي بتيجي لناس تانية نظام أكلها غريب ومعتمد علي العك.

وكمان الحالة النفسية بتلعب دور كبير في قابلية الست الحامل أنها تتعرض للوحم، وده لأن الوحم هو عبارة عن تغير في الحاله النفسية والمزاج العام للحامل وبيكون معاه دوخة بسيطة وترجيع، وساعات الحاله دي بتكون الصبح ، غير بقي الحاسة السادسة والغريبة اللي بتحصل للحامل زي إنها تبقي عندها حساسية غريبة لروايح معينه أو تشم روايح البني أدم الطبيعي مش عارف يشمها، وساعات الست بتحس بالوحم  لما تشم ريحة معينه أو تشوف نوع معين من الأكلات أو من الموسيقي وغيرها من الدوافع المختلفة للوحم.

” لحسن يطلع في قفاه وحمه” ده مثل قديم الستات الكبار بيقولوا لما بنتهم او مرات ولادهم تتوحم علي حاجه وما تجيلهاش، ولحد دلوقتي مفيش أي تأكيد طبي للمثل ده، أسباب الوحم وأشكاله وحالاته كتيرة وبتختلف من ست للتانية وعلي حسب الحالة النفسية للحامل،وبكده لو الحامل المفروض تاكل اكل صحي متوازن ولو طلب حاجه من الافضل إنها تاكلها ده لان الجسم ساعات بيكون محتاجها، وكمان لما يتوفر العنصر والأكل المطلوب بيقفرق في الحالة النفسية للحامل ويحسن مزاجها وبالتالي بقله شده الوحم تدريجيا.

 في الـ3 أو 4 شهور الأولي من الحمل الست بتواجه مشاكل نفسية  كتير من ضمنها الوحم.

وهنا فيه شوية اقترحات وفرضيات بتفسر ظاهرة الوحم عن الحوامل .

  • ممكن اختلاف مستوي سكر الدم  للحامل، والتغيرات الهرمونية اللي بتتعرض ليها الست الحامل ممكن يكون ليه تأثير قوي علي حاسة الشم والتذوق للحامل، وده اللي بيخليها يبقي نفسها في أكلات معينه غريبة  أو روايح غريبة وده اللي بيسبب الوحم.
  • جمعية التغذية الأمريكية نشرت بأن الوحم بيرتبط بوجود نقص في مستوى الحديد في جسم الحامل أو هو رد فعل لا ايرادية، بتحصل للجسم عشان ينبه الحامل إنها محتاجه لنوعيات محدده من الفيتامينات والمعادن اللي موجوده في بعض أنواع الطعام.
  • أغلب الدكاتره بيقولوا أن الوحم بيجي بسبب حاله الخوف والقلق والأرق اللي بتحصل للحامل من أنها داخله علي تجربه جديدة ومسئولية جديدة، وبالتالي بيظهر الاضطراب ده في شكل وحم.
  • الدراسات قالت أن التمدد السريع لعضلات الرحم واسترخاء نسيج عضلة القناة الهضمية وزيادة حموضة المعدة  اللي بتحصل في فترة الحمل بيتسبب في ظهور أعراض الوحم على الحامل.

لو عايز تعرف معلومات تانية عن القلق تابع المقال ده

الوحم مشكلة بسيطة مش مقلقه، ولكن فيه بعض النصائح اللي ممكن الحامل تاخد بيها عشان تقلل من أعراض الوحم.

  1. ممكن الحامل تاكل اللبان أو المكسرات، أو تاكل حته عيش أول ما تصحي من النوم عشان تقلل من افرارات الهرومن اللي بيسبب الترجيع اللي هو عرض من أعراض الوحم.
  2. تبعد عن التفكير في الحمل ومتاعبه تطوراته والجنين بقي شكله ايه وهيتحرك أمتي وغيره من المعلومات اللي موجوده بكثره علي كتير مكن مواقع اللي بتهتم بشئون الأمهات.
  3. من الافضل أن الحامل عشان تطمن أن مفيش حاجه ناقصة وجسمها محتاجها، أنها تعمل تحليل تقيس فيها مستوى الحديد والمعادن بالدم اللي بيكون في الغالب سبب للوحم.
  4. تبعد عن المؤثرات النفسية والعصبية اللي بتزود شعورها بالوحم.

 

عن الكاتب

حنان جمـال