البزرميط نوتي كورنر

الـ Porn Marketing .. مش هتقدر تغمض عينـك!!

لو إتفاجئت -زيي كدة- إن الـمواقع الـ Porn بتمثل حوالي 15% من استهلاك الانترنت!! وبتستهلك حوالي 2 ونص مليـــار Email في اليــوم الواحد والكلام دي من 2010!!!! يبقى أكيــد أكيد -زيي برضـه- مش هتقدر تغمض عينيك الـ Opportunity اللي موجودة هنــاك!

الصراحة إن العقبـة والمشكلـة .. أخلاقيـة ودينيـة بحتـه.. ومش مشكلـة Target خـالص.. بل بالعكس!

أول تفكير هـييجي في دمـاغك هو “يا بيــه اللي بتقولـه ده عيب وحرام .. النـاس اللي بتفتـح الـ Websitesدي قليلة الأدب.. والـ Products اللي ممكن أستهدفهـم بيهـا لازم تبقى قليلة الأدب عشــان تتباع”.. وده غلط فــاحش ممكن تقع فيـه وتستدرجـه بأقل مجهـود تفكير.

التفكير التــاني اللي ممكن يجي في دمـاغك هو “حرام يا عـم.. نستخدم الكلام ده والاساليب الرخيصة دي ونشجعهم يكملوا في الكلام ده عن طريق إننا نستخدم خدماتهم الإعلانية وندفعلهـم فلوس.. ” والتفكير ده صح برضك خصوصاً إن أنا شخصياً مؤمن بإن الغايـة لا تبرر الوسيلة..

في هنــا وجهتين نظر عكس.. إنا يا بعمل خيــر لأني بستهدف النـاس الموجودة على المواقع دي بمنتجـات تغير من حياتهـم وتخليهم يعيشوا حياة طبيعية  وشوية شوية هيتخلوا عن المواقع الـ naughty دي؟؟ مُتخيــل إن متـوسط عمر البنـي آدم اللي عنده بيشـوف أول محتوى خليـع.. 11 سنـة! يعنـي طفل!!!!!

أو كدة أنا بعمل شـر.. لأنـي عشـان أوصلهـم بدفع للمواقع دي فلوس .. نظير الـ Placements بتاعت الإعلانات بتــاعتي.. وأكيد جزء من الفلوس دي، الأوغــاد دول هيصرفـوه على إنهـم ينتشروا أكتر ويوصلوا لنـاس أكتر!!

أنا كنت رايـح لوجهـة النظر الأولانية لحد مـا بعت طلب فتوى لدار الفتوى المصرية بطلب فيها رأيهـم.. وبعت لموقـع islamweb.net.. وكـان رأيهـم في الموضوع مع الرأي التـاني وإنـه حرام .. تقدر تشوف ردهم من خلال رقم الفتوى 2558826.

إنمـا بغـض النظر عن طريقة الاستخدام اللي هنشوفلهـا صرفـة 🙂 لازم نبقى متفقيـن .. إن الـ Segments اللي موجودة على المواقع دي بمختلف أنــواعهـا هم نـاس عادية جداً.. معظمهـم بيمروا بمراحل نفسية عادية جداً برضه.. سواء بقى مراهقة أو وحــدة أو خلل معين في العلاقات الإجتمـاعية أو بيتسلّـوا عـادي وهكذا.. ونسبة قليلة قوي منهـم اللي عندهـم مشـاكل نفسية عويصة ودول مش موضوع المنـاقشـة هنـا برضه. ..

القصـة بتـاعت اختراق قاعدة بيـانات Adult FriendFinder ونـوع البيانات والشرايح اللي موجودة فيهـا تقدر توضحلك وجهـة نظري بسهولة.. وإزاي الموضوع مش مُرتبــط بعـاهة نفسية معينـة يعنـي!

ليه طيب بنفتـح المـوضوع يعنـي يا عم الحـج؟! ما نبعد عن الشبهــات وخلينـا في  النضيف! .. أنا رأيي كدة برضه صدقنـي .. بس شئ مُستــفذ جداً إنك تلاقي إن 25% من الـ search engine requests اللي النـاس بتكتبهــا وتدور عليهـا عن الـ Porn!!

ده غيــر إنك على ما تخلص الـ Blog Post ده هتكـون الصنـاعة دي اتصرف عليهـا بتـاع 4 مليــون دولار .. و50 مليـون بنـي آدم اتفرجوا على كـام فيديو .. واتكتب بتـاع 600 ألف Search query ليهـا علاقة بالموضوع.. ده لو فرضنـا إنـك قرأت البلوج في 10 دقايق أساساً !

الفــرصة بنت جميلة.. راكبـة عجبة ببدال

لأ مش روبـي.. 🙂

السبب التــاني والأهــم اللي خلانـي أفتـح الموضوع هو ازاي الـ Marketer المفروض يفكــر.. وازاي يبـص على الـ Communities اللي بتتكون بنظرة تانية وإزاي يدور على الـ Targeting الصـح وفيـن الـ Persona اللي هو حددهـا يقدر يستهدفهــا.. وده بغض النظر عن الصنـاعة الشمال دي أو غيرهـا إنمـا المبدأ واحد.. أو باختصــار “الفرصة”.. الـ Opportunity.. طيب ليـه أخدت المواقع الشمــال دي كمثـال؟ عشــان فعلاً الموضوع مستفذ ويستحــق الدراسة .. ومن وجهـة نظري “الشخصية” يستحـق نقف عنده كتير ونحاول نفكــر جدياً.. هل ممكن نستفيد منـه أكتر ما بيضرنـا؟ ولا لأ مش ممكن وننفض تماماً للقصـة دي؟ والاحتمالين واردين عندي لحد اللحظة دي.

تخيل معـايا كدة..

  • في 2006 كانت عدد المواقع بتمثل 12% من حجـم الإنترنت! معتقدش النسبة فرقت كتير في 2015 ده إن مكانتش زادت.
  • لحد 2013 كانت المواقع بتجيب Traffic أعلـى من تويتر وأمازون وNetflix متجمعين مع بعض!
  • متوسط الأعمــار اللي بتخش متقاربة.. والرجالة متفوقة بنسبة 70%!! مثقفـين ماشاء الله! 🙂
  • واحد من ضمن تلات أشخـاص اتفرج على المـواقع عن قصد! مش دوست عالإعلان من غير قصدي بقى والجو ده! :p

طيب ده حجم الـ Opportunity .. فيـن بقى الـ Target؟

ممكن أي حد وببديهيـة وبراءة متناهية يقــول المراهقيــن .. وننزلهـم بقى بمنتجات وخدمـات تستهــدفهم وكدزة !! للأسف أنا كنت فاكر كدة .. إنمـا الاحصائيـات بتاعت أمريكا بتقــول إن 23% بس من حجم الـ traffic على المواقع دي كان من المراهقين! وغالباً الإحصائيات دي مش هتفرق كتير بين دول العالم المختلفة. كمــان 60% منهـم مش Singles!!!  فأظن كدة واضـح إن الـ Target هنـا مش بالـ Demographics خالص.. الموضوع ليـه أبعــاد كتير تانية..

فـي نـاس عرفت تحلل حجم ونـوع الـ Traffic اللي بتستهلكه المواقع الشمـال وقدرت تفصصـه وتعرف الأسباب النفسية ورا اللي بيحصــل ده .. على كام Survey حلـو كدة اتعمل في أمريكـا وإنجلترا بالتحديد.. طلعلهــا أعداد لا متنـاهيـة من الـ Personas بنـاءاً على الـ behavior بتاعهــم على المواقع ونوع الأفلام اللي بيتفرجـوا عليهــا والـ Psychology ورا كل persona..

23% من حجم الـ Traffic كان من نصيب الـمراهقين.. ومـا أكثر المنتجـات اللي بتستهدف المراهقيــن ومـا أكتر الشركـات اللي شغــالة عليهـم وعلى قوتهم الشرائية؟ ودي Persona مهمـة نــاس ممكــن تشتغل عليهـم.. وبمأ إننا عارفين إن المراهق ده داخل الموقــع بـ Mentality تانية خــالص.. فمش هينفع أبيعله T-Shirt هنـاك مثلاً.. إنمــا هل ينفــع أجرجر رجلـه لـ Products تانية؟ آه ينفـع..

مواقع الـ Dating  تقريباً كلهـا نازلة بإعلانات على المواقـع الشمـال وبتستهدف الـ 40% منهــم الـ Singles والـ 60% الـلي مش Singles بس بيحترموهـم.. مواقع الـ dating في الاسـاس مش حاجة وحشـة.. ومبتخلقـش أخلاق مش موجودة Already في المجتمـع.. هي وظيفتهـا الأسـاسية إنهـا تخلق بيئة Secured تعرررف النـاس على بعضهـا مش أكتر.. مالهاش دعـوة بقى همـا أخلاقهـم إيه ولا هيتقابلوا يعملوا إيه.. في نـاس بتتجوز فعلاً من المواقع دي عادي جداً.

70% من الرجـالة وبيقولو إنهـم بيتفرجـوا على الحاجات اللي مش هيعرفـوا يعملوهـا في الحقيقة.. وده يطرح وبقـوة مبدأ الـ Fantasy.. واللي سواء اعترفت بيه أو لأ فهـي مشكلة نفسية عويصة ومنتشرة في العالم كله .. طيب أنا هستفيد إيه من الكلام ده كله؟ الـ Fantasy هو ببسـاطة تعبير عن رفض الواقع (اللي عندنا كلنـا إنمـا بدرجـات متفاوتة جداً) ودي في رأيـي Persona مهمـة؟ عندك أفكـار ليهـا؟! 🙂

إحنــا قلنـا إن 70% منهـم رجـالة.. صح؟ طيب عندك Gillete وAxe فهمـوا الموضوع ده وشغـالين على استحيــاء.. إنمـا الفكرة بتاعت إنـك لازم تبقى شيك وريحتك حلوة والسكسوكة متظبطــة عشـان تعلق المزّة موجودة بقــوة.. وهنـروح بعيد ليــه؟ كل إعلاناتهم عالتلفزيون في نفس السيــاق. عمــرك شوفت حد استحمى وحلق دقنـه وحط Axe عشـان نـازل يقابل صاحبـه عالقهـوة؟

100% منهـم تقدر تعتبره قليل الأدب وسافل وماتربـاش.. وده غلط! مفيش حد معندوش مشــاكل.. كلنـا فاسدون.. ومش معنـي إنـك عمرك ماتفرجت إنـك بني آدم سليم.. المشــاكل النفسية درجـات معظمهـا مش محتاج علاج نفسـي متخصص.

88% من حجم بحث الرجـالة كـان على الـمشاهد العنيفـة.. وده زي ماحنـا عارفيـن بيوضـح قوي لمـا تبص على حجم الـ Traffic بتـاع أي خبر فيه مثلاً كلمـه “اغتصا* مش عارف مين في ميدان التحرير” “تعذيب مش عارف مين أمام مش عارف مين” والجو ده.. ودي persona تانية مهمـة تقدر تقول استفادت جداً من تحليلهــا المواقع الإخبـارية الشمـال.. كلهـم يعني!

فـي نـاس قاعدة بتحلل أنـواع المحتوى اللي النـاس بتتفرج عليـه.. وبتطلـع بتصنيفـات أكتر وأكتر لا مجـال لذكرهـا هنـا لكذا سبب.. أهمهــم إنو مش ده المهـم.. قد ما المهـم إننا نفكر في الهدف ورا القصـة دي؟ وازاي نقدر نطبق المنهجيـة نفسهـا في الـ Marketing عمومـاً..

السؤال بقى: هل فعلاً ممكن نستفيد من الحاجات دي أكتر ما بتضرنـا.. هل ممكن نحـول الـ Users بتوعهـا لحـاجات أفيد ليهـم وتوظـف طاقتهـم بشكل أحسن.. خـاصة لمـا تعرف إن الفرجـة عالمواقع الشمـال دي هي مجرد نتيجـة لسبب مـا؟؟ ولا لأ مش ممكن وننفض تماماً للقصـة دي لأن تعديل السلوك الـ naughty ده لازم يتعمل في مكـان بعيد عن البيئة دي ويأثر تدريجياً في سلوك النـاس؟ ولا الهدف صـح إنمـا الطريقة هي اللي مش موجودة لسـة؟

الـ Disclaimer: المقـالة طبعاً بتعبر عن رأي صاحبها والهدف منها هو التفكير بشكل أعمق في إمكانية الاستفـادة بصنـاعة بيتصرف عليهـا أكتر من 200 مليار دولار في السنـة إن أمكن ذلك في حدود الحلال 🙂 .

والمصـادر: GizmodoInternetSafety101CosmopolitanPsychologyTomorrowMagInternetFilterPsychologyToday

عن الكاتب

أحمد الفرماوي