الصحة النفسية

5 خطوات هتساعد في الحفاظ على الصحة النفسية بتاعتك

5 خطوات عشان تحافظ علي الصحة النفسية

الصحة النفسية دي حاجه مهمة وبعتبر بعض الأمراض النفسية زي الاكتئاب والقلق مضره جدا للصحة النفسية عشان كده هنقولك علي 5 خطوات ممكن تعملها عشان تحافظ علي صحتك النفسية .

بس قبل ما ندخل علي طول في الخطوات اللي قلنا عليها هنتكلم شوية عن الصحة النفسية:

إيه هي الصحة النفسية؟

ليه بتعتبر الصحة النفسية مهمة؟ لأننا أولاً عايزين نحس كلنا اننا فله شمعة منوره وكويسين ومبسوطين وقادرين نتكيف مع الظروف اللي حوالينا.

سارة ستيورات بروان، أستاذة الصحة العامة في جامعة وارويك، ومختصة في الصحة النفسية، قالت إن لما نيجي  نتكلم عن الصحة النفسية، فهنا إحنا نقصد شئ أكبر من السعادة، وانه من المفيد إننا نبدأ  بفكرة أن الصحة العامة شاملة العقل والجسد، لان فيه رابط قوي بين الصحة النفسية والجسدية .

والإحساس بالسعادة والانبساط دا  جزءًا من الصحة النفسية، لكن مش كل حاجه وفيه نوع أعمق من الصحة، ليه علاقة بان الشخص يتعايش ويدخل في أمور الحياة بشكل ملائم ومنسجم مع الرتم العام.

وبتعتبر الأحاسيس اللي ليها علاقة بالرضا والاستمتاع والثقة والتعامل مع العالم جزء من الصحة النفسية، دا غير الثقة بالنفس، وأن الشخص يحس انه يقدر يعمل الحاجه اللي هو عايزها، دا غير أن العلاقات الكويسة دي جزء من الصحة النفسية كل ده يخلي الشخص مبتهج هو واللي حواليه.

بس هنا أن الشخص يبقي عنده صحة نفسية ملائمة دا مش معناه أنه مش هيمر  بمشاعر أو مواقف يحس انه مش عارف يتعامل معاها، بس الفرق هنا ان الشخص اللي بيتمتع بصحة نفسية أفضل بيكون عنده المرونة الكافية أنه يتأقلم مع أصعب الأوقات.

وكمان الصحة النفسية ليها أشكال وممكن نوصفها بأنه شعور الشخص أنه كويس وتمام وانه بيبذل مجهود كافي عشان يحقق هدفه وينفذ الحاجات اللي مطلوبة منه.

وفي العشرين سنه اللي فاتت, ظهرت أدلة جديدة حوالين ايه اللي بيتسبب فعليل في ان الشخص يتمتع بتغيرات وبتحسينات تدوم وقت أطول ويكون ليها اثر جيد علي الصحة النفسية.

ونرجع تاني الأستاذة الجامعية ستيوارت براون: اللي قالت إن بعض من الأدلة دي جه من الدراسات المتعمقة واللي بحث فيها العلماء حوالين السلوك والصحة العقلية بالنسبة لبعض الشرائح السكان.

و بعض الأدلة التانية جت من التجارب اللي أخذ فيها العلماء مجموعة من الناس وطلبوا منهم انهم يغيروا  سلوكياتهم أو انهم يشاركوا في جلسة علاجية أو أي تدخل تاني زي  برنامج تمرينات ومنها يلاحظوا ايه التغيرات اللي هتحصل علي صحتهم النفسية.

وأما العلماء يجمعوا الأدلة علي الصحة النفسية المفروض انهم يلاقوا وسيلة عشان يقيسوا بيها، وعادة بيقيسون الصحة النفسية بتوظيف شوية أسئلة  بيسألوها للحالات اللي خضعت للدراسة ومن خلال الأسئلة دي يقدروا يعرفوا ايه اللي بيحسوه عن نفسهم والعالم اللي حواليهم.

الصحة النفسية في حياتك

بتأثر كتير من العوامل على صحتنا، أظهرت كتير من الأدلة اللي بتقول أن الأفعال اللي بنعملها والأفكار اللي بنفكر بيها ليها تأثير أكبر.

من المفيد أن نفكر في “الصحة النفسية” كشيء ممكن نعمله  بدل ما نفكر في الحال اللي احنا عليه، وكا ما يزيد المجهود ي التفكير أو الجهد اللي هنعمله كل ما بقت النتيجة أفضل.

وزي ما قالت ستيوارت-براون إن أول شيء مكن نعمله عشان صحتنا النفسية أننا نبقي فضوليين بس في الشئ اللي ليه علاقة بصحتنا النفسية، وأننا نبدأ نفكر ايه اللي عملنا في حياتنا زمان عشان نقدر نحسن الوقاع وصحتنا النفسية دلوقتي ، وهل اللي عملناه زمان نجح ولا فشل؟، وهل فيه طرق تانية جديدة أحنا ما فكرناش فيها وممكن نجربها؟، وأفتكر دايما أن الصحة النفسية دي محدش هيديهالك لأنه شئ متعلق بالشخص ذاته وهو الوحيد اللي قدر يخليها أفضل أو أسوأ .

ايه هي الخطوات الخمسة عشان يبقي عندنا صحة نفسية أفضل:

  • التواصل: تواصل مع الناس اللي حواليك اللي من ضمنهم عيلتك أو أصحابك أو زمايلك في الشغل أو جيرانك ، وخد وقتك في تطوير علاقاتك وما تقفش علي المستويات الأولي وبس.
  • خليك نشيط: الموضوع هنا مش مقتصر علي أنك تروح الجيم وتعمل التمريانت  في صاله الألعاب، أخرج وامشي علي رجليك أو بالعجلة أو العب كرة قدم في الشارع أو في الملعب مع أصحابك، أو دور علي نشاط بتبقي مستمتع بيه وأنت بتعمله وخليه جزء من روتين حياتك اليومية.
  • استمر في التعلّم: اتعلم مهارات جديدة لأن ده ممكن يديك إحساس بالإنجاز وثقة جديدة في نفسك، وعشان كده ممكن علي سبيل المثال أنك تشترك في دورة جديدة للطبخ أو تبد أفي أنك تتعلم علي آلة موسيقية بتحبها مثلا أو تكتشف أزاي تصلح العجلة بتاعتك؟.
  • خلي عندك حب للعطاء لغيرك: كل الحاجات، حتى الصغيرة ، ممكن تساعدك حتي اما تقول كلمه شكرا أو تبتسم في وش اللي قدامك دا في حد ذاته عطاء، دا غير الحاجات الكبيره زي انك تتطوع في الجمعيات الخيرية كل ده ممكن يحسن من صحتك النفسية ويساعدك علي أنك تبني شبكة اجتماعية جديدة.
  • خليك يقظ: إن يبقي عندك شوية وعي زيادة باللحظة اللي أنت عايش فيها دلوقت، وتعمق في أحاسيسك وأفكارك، وجسمك والعالم اللي حواليك ودا اللي اللي بسموه الناس اليقظة واللي ممكن تخليك تتعامل بشكل أفضل مع كل الموافق الصعبة اللي هتواجهها في حياتك وتختار الطريقة الأنسب لكل موقف لوحدة.

المصدر: nhs

عن الكاتب

حنان جمـال