سايكويكي

إكتئاب ما بعد الولادة حاجة بتجلنا كلنا

إكتئاب ما بعد الولادة حاجة بتجلنا كلنا

وبعد تسعة شهور تعب و قلق وصل أجمل مخلوق فى الكون طفلى و طبعا ده خبر المفروضة يفرحك و يفرح كل الناس و يكون أسعد حاجة حصلت في حياتك.

بس ليه أنت مش فرحانة بالعكس مكتئابة ؟!

أكتئاب ما بعد الولادة مشكلة بتقابل كتير من الأمهات بعد الولادة مباشرتا .

الأمومة هى اكبر تحدى فى حياة كل أم فرحة و قلق و خوف و ألم مشاعر كتير متلخبطة على بعض.

كتير مننا بيعانى تقلبات مزاجية و موجات بكاء كتيرة بعد الولادة برغم مساندة جوزك و عائلتك و مساعدتهم لكى فى الأهتمام بالمولود.

تلاقى نفسك بتعيطى على حاجات عمرها ما كانت بتزعلك قبل كدا .

الحالة دى طبيعية جدا

80 % من الأمهات و بذات لما تكونى ماما لأول مرة و بتعانى من الحكاية دى و بتأخد بحوالى أسبوعين أو ثلاثة من بعد الولادة .

و بعدين تروح لوحدها بشكل تلقائي طبعا مع مساندة نفسية من جوزك و عائلتك.

المشكلة بتكون لو مرت الفترة دى من غير أى تحسن فى نفسيتك كدا يبقى دخلنا فى حالة إكتئاب ما بعد الولادة.

الإحساس بالحزن

بيكون عندك دايما إحساس بالحزن و التعب بيسيطر على دماغك و طبعا قلة النوم و ألام اللى بتيجى بعد الولادة بتساعدنا على زيادة حالة الإكتئاب .

أيه هو إكتئاب ما بعد الولادة ؟

بيكون الإكتئاب مرضي مش مجرد مشاعر عادية لما تلقى عندك رغبة في أنك تأذى نفسك أو حتى طفلك الجديد و مش بتقدرى تهتمى بالنونو الجديد .

فيكون أحسن  أنك تطلبى مساعدة من  طبيب فورا عشان تحمى نفسك و طفلك من الأفكار اللى بتيجى فى دماغك .

اكتئاب ما بعد الولادة ممكن يجى فى أي وقت خلال أول شهرين بعد الولادة .

طيب أيه هى أعراضه ؟

  1. عصبية و قلق زيادة عن الحد.
  2. صعوبة في التركيز.
  3. الحساسية الزائدةالبكاء
  4.  طول الوقت على اتفه الأمور.
  5.  مشاعر سلبية ذى فقدان الأمل و الحزن.
  6. فقدان الاهتمام بأى حاجة اعتدتي ممارستها.
  7. صعوبة في النوم.
  8. الإرهاق والتعب المزمن.
  9. فقد الشهية و تغير عادات الأكل.
  10. الصداع المزمن والآلام في المعدة والظهر

كمان ممكن الموضوع لو زاد عن حده يبقى فيه نوبات هلع و كمان وسواس قهري يخلق فى عقلك أفكار شريرة تدفعك أنك تأذى نفسك او طفلك لا قدر الله .

خدى بالك من نفسك  و  نامي وكلي كويس عشان تقدرى تستردى صحتك بسرعة و حاولى تشيلى أحساس  الذنب من جواكى تجاه مشاعرك  و إحساسك بالاكتئاب .

كل ده مش بيقول أنك أم أقل من باقي الأمهات أو أنك  مبتحبيش ابنك  صح .

طبعا بتحبي طفلك و دى حالة مهما طالت هتخلاص و تروح لحالها و  مش هيفضل غير حبك و حنانك المهم تبدأى بالعلاج عشان تقصرى المدة و تقدرى تفرحى بالمولود .